JioPhone 5G : రిలయన్స్ జియో త్వరలో 5జీ స్మార్ట్ఫోన్ను లాంఛ్ చేయనుంది. అయితే అధికారిక ప్రకటన ఇంకా రాకముందే.. జియోఫోన్ 5జీ పిక్స్ ఆన్లైన్లో లీక్ అయ్యాయి. దీనితో పాటు ఈ స్మార్ట్ఫోన్లోని కెమెరా, ప్రాసెసర్తో సహా పలు స్పెసిఫికేషన్స్, ఫీచర్స్, ధర వివరాలు కూడా లీక్ అయ్యాయి.
జియో 5జీ ఫోన్ లాంఛ్ ఎప్పుడు?
దీపావళి లేదా కొత్త సంవత్సరంలోపు ఈ బడ్జెట్ 5జీ స్మార్ట్ఫోన్ను మార్కెట్లో విడుదల చేయడానికి రిలయన్స్ జియో సన్నద్ధమవుతున్నట్లు సమాచారం. ఇదే జరిగితే 5జీ మొబైల్ విపణిలో ఒక సంచలనం చెలరేగుతుంది.
టిప్స్టర్ లీక్స్
JIO Phone 5G Specifications : జియో 5జీ ఫోన్కు చెందిన కొన్ని ఫొటోలు ఆన్లైన్లో దర్శనమిస్తున్నాయి. అర్పిత్ సత్యప్రకాశ్ పటేల్ అనే ఓ టిప్స్టర్ ట్విట్టర్ హ్యాండిల్లో ఈ జియో 5జీ ఫోన్ పిక్స్ కనిపించాయి. ఈ చిత్రాల్లో జియో 5జీ స్మార్ట్ఫోన్ నలుపు రంగులో కనిపిస్తోంది. డ్యూయెల్ రియర్ కెమెరా ఫోన్ పైభాగం మధ్యలో ఉంది. బహుశా ఇది 13 మెగా పిక్సెల్ ఏఐ కెమెరాతో సహా 2 మెగా పిక్సెల్ సెకెండరీ లెన్స్ కూడా కలిగి ఉన్నట్లుగా కనిపిస్తోంది. ఫ్రంట్ కెమెరా విషయానికి వస్తే వాటర్ డ్రాప్ నాచ్ 5 మెగా పిక్సెల్ కెమెరాలాగా అనిపిస్తోంది. ఫోన్ వెనుక భాగం ఫైబర్ ప్లాస్టిక్ బాడీతో తయారు చేసినట్లు తెలుస్తోంది. జియో లోగో కూడా దానిపై స్పష్టంగా కనిపిస్తోంది.
రూ.10,000 లకే 5జీ స్మార్ట్ఫోన్!
జియో 5జీ స్మార్ట్ఫోన్ ధర బహుశా రూ.10,000 వరకు ఉండొచ్చని అంచనా. మరో ముఖ్యమైన విషయం ఏమిటంటే, దీనిలో యూనిసోక్ లేదా డైమెన్సిటీ 700 ప్రాసెసర్ ఉండొచ్చని భావిస్తున్నారు.
-
Exclusive!!🔥Here's a sneak-peek at the upcoming unreleased JioPhone 5G.
— Arpit 'Satya Prakash' Patel (@ArpitNahiMila) June 22, 2023 " class="align-text-top noRightClick twitterSection" data="
The phone is expected to release between Diwali and New Year. The expected price is under ₹10k.
Not much specs known but possibly a Unisoc 5G or a Dimensity 700 processor.
13+2MP Rear
5MP Front camera. pic.twitter.com/bzRRIH8Sdn
">Exclusive!!🔥Here's a sneak-peek at the upcoming unreleased JioPhone 5G.
— Arpit 'Satya Prakash' Patel (@ArpitNahiMila) June 22, 2023
The phone is expected to release between Diwali and New Year. The expected price is under ₹10k.
Not much specs known but possibly a Unisoc 5G or a Dimensity 700 processor.
13+2MP Rear
5MP Front camera. pic.twitter.com/bzRRIH8SdnExclusive!!🔥Here's a sneak-peek at the upcoming unreleased JioPhone 5G.
— Arpit 'Satya Prakash' Patel (@ArpitNahiMila) June 22, 2023
The phone is expected to release between Diwali and New Year. The expected price is under ₹10k.
Not much specs known but possibly a Unisoc 5G or a Dimensity 700 processor.
13+2MP Rear
5MP Front camera. pic.twitter.com/bzRRIH8Sdn
నోట్ : ఆన్లైన్లో కనిపిస్తున్న ఈ జియో 5జీ ఫోన్ ఇమేజెస్ వాస్తవమైనవా? కాదా? అనే విషయంలో ఎలాంటి స్పష్టత లేదు.
ఫ్లాష్బ్యాక్ లీక్స్
గతంలో కౌంటర్పాయింట్ రీసెర్చ్ రిపోర్ట్ జియోఫోన్ 5జీ ఫీచర్స్, స్పెసిఫికేషన్స్ గురించి తెలియజేసింది. అందులో జియోఫోన్ 5జీలో స్నాప్డ్రాగన్ 480 ప్రాసెసర్ ఉండే అవకాశం ఉందని తెలిపింది. దీనితో పాటు ఈ 5జీ స్మార్ట్ఫోన్ 4జీబీ+32జీబీ స్టోరేజీతో వస్తుందని వివరించింది.
జియోఫోన్ 5జీ స్పెసిఫికేషన్స్!
- డిస్ప్లే : 6.5 అంగుళాల హెచ్డీ + ఎల్సీడీ డిస్ప్లే; 90హెచ్జెడ్ రిఫ్రెష్ రేట్
- బ్యాటరీ : 5,000ఎమ్ఏహెచ్ బ్యాటరీ
- ఫాస్ట్ ఛార్జింగ్ : 18 వాట్ ఫాస్ట్ ఛార్జింగ్ సపోర్ట్
- ఓఎస్ : ఆండ్రాయిడ్ 12
జియోఫోన్ 5జీలో.. గూగుల్ మొబైల్ సర్వీసెస్, జియో యాప్స్ను ముందుగానే లోడ్ చేసి ఇవ్వనున్నారని కౌంటర్పాయింట్ రీసెర్చ్ రిపోర్ట్ తెలిపింది.
గూగుల్తో కలిసి..
రిలయన్స్ జియో కూడా తాము గూగుల్తో కలిసి బడ్జెట్ ధరలో 5జీ ఫోన్ను తీసుకొస్తున్నట్లు గతంలోనే స్పష్టంగా చెప్పింది. ముఖేశ్ అంబానీ నేతృత్వంలోని రిలయన్స్ జియో బడ్జెట్ ధరలో.. సామాన్యులకు అందుబాటులో ఉండే డివైజ్లను మార్కెట్లోకి విడుదల చేస్తోంది. 2022 అక్టోబర్లో జియోబుక్ పేరుతో తన మొదటి ల్యాప్టాప్ను మార్కెట్లోకి విడుదల చేసింది. 11.6 అంగుళాల డిస్ప్లే, స్నాప్డ్రాగన్ 665 ప్రాసెసర్, 5000ఎమ్ఏహెచ్ బ్యాటరీతో తీసుకొచ్చిన ఈ ల్యాప్టాప్ ధర కేవలం రూ.15,799 కావడం గమనార్హం.
