JioBook Laptop Launch Date : రిలయన్స్ జియో మరో సరికొత్త బడ్జెట్ ల్యాప్టాప్ను తీసుకొచ్చేందుకు సన్నాహాలు చేస్తోంది. అభిషేక్ యాదవ్ అనే టిప్స్టర్ ఈ కామర్స్ వెబ్సైట్ అమెజాన్లో కనిపించిన జియోబుక్ ల్యాప్టాప్ను తన ట్విట్టర్ అకౌంట్లో షేర్ చేశాడు. ఇందులో అతను జియోబుక్ను ఈ జులై 31న మార్కెట్లోకి విడుదల చేయడానికి రిలయన్స్ జియో సన్నాహాలు చేస్తున్నట్లు పేర్కొన్నాడు.
ఈ జియోబుక్ను ప్రత్యేకంగా విద్యార్థుల కోసం రూపొందించినట్లు తెలుస్తోంది. అందుకు అనుగుణంగానే 'యువర్ అల్టిమేట్ లెర్నింగ్ పార్టనర్' అనే ట్యాగ్లైన్ను స్పష్టంగా చూపించడం జరిగింది.
అప్డేటెడ్ వర్షెన్!
Latest Jiobook laptop : రిలయన్స్ కంపెనీ జియోబుక్ను 2022 అక్టోబర్లోనే మార్కెట్లోకి విడుదల చేసింది. అప్పుడు దాని ధరను రూ.20,000 ప్రైస్ రేంజ్లో ఉంచింది. ఇప్పుడు అదే ల్యాప్టాప్ అప్డేటెడ్ వెర్షన్ను మరలా మార్కెట్లోకి తెస్తోంది. ఇది లాంఛ్ అయిన తరువాత రిలయన్స్ డిజిటల్ స్టోర్లో అందుబాటులో ఉంటుంది.
జియోబుక్ స్పెక్స్ అండ్ ఫీచర్స్
JioBook laptop specs : అమెజాన్లో విడుదలైన టీజర్లో జియోబుక్ స్పెసిఫికేషన్స్, ఫీచర్స్ గురించి కొంత సమాచారం తెలుస్తోంది. వాస్తవానికి ఇది పాత జియోబుక్ మాదిరి డిజైన్నే కలిగి ఉంది. కానీ ఈ సారి మరింత కాంపాక్ట్గా, సైలిష్ బ్లూ కలర్తో దీనిని తీసుకొస్తున్నారు. ఈ జియోబుక్ అన్ని వయస్సుల వారికి అనుగుణంగా ఉంటుందని, అలాగే ఎంటర్టైన్మెంట్, ప్రొడక్టివిటీ, గేమింగ్లకు సపోర్ట్ చేస్తుందని రిలయన్స్ జియో స్పష్టం చేస్తోంది.
JioBook laptop features : 4జీ కనెక్టివిటీతో వస్తున్న ఈ ల్యాప్టాప్లో పవర్ఫుల్ ఆక్టా-కోర్ ప్రాసెసర్ కూడా ఉంది. అందువల్ల దీనిలో హై-డెఫినిషన్ వీడియో స్ట్రీమింగ్ చేసుకోవచ్చు. అలాగే వివిధ సాఫ్ట్వేర్లను ఉపయోగించి, మల్టీటాస్కింగ్ కూడా చేయవచ్చు.
JioBook teaser : అమెజాన్లో విడుదలైన టీజర్ ప్రకారం, ఈ జియోల్యాప్ టాప్ చాలా సన్నగా, తక్కువ బరువుతో ఉంటుంది. ఇది కేవలం 990 గ్రాముల బరువు మాత్రమే ఉంటుందని కంపెనీ స్పష్టం చేస్తోంది. అలాగే ఒకసారి దీని బ్యాటరీని ఫుల్ ఛార్జ్ చేస్తే.. రోజంతా పనిచేసుకోవచ్చని చెబుతోంది. ఈ ల్యాప్ట్యాప్లోని మిగతా ఫీచర్లు, స్పెసిఫికేషన్లు.. జులై 31న లాంఛ్ చేసినప్పుడే మనకు తెలిసే అవకాశం ఉంది.
పాత మోడల్ జియోబుక్ స్పెసిఫికేషన్స్
JioBook specifications : 2022 అక్టోబర్లో రిలీజ్ అయిన జియోబుక్లో 11.6 అంగుళాల డిస్ప్లే, బ్రాడ్ బెజిల్స్ ఉన్నాయి. వీడియోకాల్ చేసుకునేందుకు వీలుగా.. 2 మెగా పిక్సెల్ ఫ్రంట్ కెమెరా ఇచ్చారు. ఈ ల్యాప్టాప్లో క్వాల్కమ్ స్నాప్డ్రాగన్ 665 ప్రాసెసర్, దానికి అనుసంధానంగా అడ్రినో 610జీపీయూ పొందుపరిచారు. ఇంకా 2జీబీ ర్యామ్ + 32జీబీ eMMC స్టోరేజ్ ఇచ్చారు. అలాగే ఇందులోని స్టోరేజ్ను 128జీబీ వరకు పెంచుకునేందుకు కూడా అవకాశం కల్పించారు. ఈ జియో ల్యాప్టాప్.. జియోఓఎస్తో రన్ అవుతుంది. ఇందులో అనుమతించిన థర్డ్ పార్టీ యాప్లను కూడా ఇన్స్టాల్ చేసుకోవచ్చు.
ఈ జియో ల్యాప్టాప్లో 5000mAh బ్యాటరీ ఉంది. దీనిని ఒకసారి ఛార్జ్ చేస్తే కనీసం 8 గంటల వరకు నిర్విరామంగా పనిచేసుకోవచ్చు. దీనిలో 3.5ఎంఎం ఆడియో జాక్, బ్లూటూత్ 5.0, HDMI మినీ, వై-ఫై, ఇంకా అనేక ఫీచర్లు ఉన్నాయి. వాస్తవానికి ఈ ల్యాప్టాప్లో జియోసిమ్ కార్డు ఉంటుంది. దీని ద్వారా మీరు 4జీ ఎల్టీఈ కనెక్టివిటీని పొందవచ్చు. మరి త్వరలో విడుదల కానున్న అప్డేటెడ్ వెర్షన్ జియోబుక్లో ఏమేమి సరికొత్త ఫీచర్స్ పొందుపరిచారో జులై 31న తెలుస్తుంది.
