iQOO Neo 7 Pro launch : ఐకూ ఫోన్ అభిమానులకు అదిరిపోయే న్యూస్. 'ఐకూ నియో 7 ప్రో' స్మార్ట్ఫోన్లోని కీలకమైన స్పెసిఫికేషన్స్ను ఐకూ వెల్లడించింది. భారత మార్కెట్లోకి ఈ నయో ఫోన్ లాంఛ్ చేయడానికి ముందే.. ఇలా అందులోని కీ స్పెసిఫికేషన్స్ను ఐకూ నిర్ధరించడం విశేషం. ఐకూ నియో 7 ప్రో స్మార్ట్ఫోన్ 2023 జులై 4న భారత మార్కెట్లో లాంఛ్ కానుంది. ఇప్పటికే వీగన్ లెదర్ బ్యాక్తో, ఆరెంజ్ కలర్ డిజైన్తో ఊరిస్తోంది. ఈ ఫోన్లో ట్రిపుల్ కెమెరా సెటప్ కూడా పొందుపరిచినట్లు స్పష్టంగా తెలుస్తోంది.
ఐకూ నియో 7 ప్రో స్పెసిఫికేషన్స్
iQOO neo 7 Pro specifications: ఐకూ నియో 7 ప్రోలో.. క్వాల్కమ్ స్నాప్డ్రాగన్ 8+ ప్రొసెసర్ను పొందుపరిచినట్లు ఐకూ నిర్ధరించింది. ఇందులో ఇండిపెండెంట్ గేమింగ్ చిప్ను కూడా అమర్చినట్లు స్పష్టం చేసింది. ఈ డెడికేటెడ్ చిప్ వల్ల హై గ్రాఫిక్స్, ఎలివేటెడ్ గ్రాఫిక్స్లో ఆడినప్పటికీ.. మంచి గేమింగ్ అనుభవం కలుగుతుందని ఐకూ వెల్లడించింది.
ఈ స్మార్ట్ఫోన్కు 120వాట్ ఫాస్ట్ ఛార్జింగ్ సపోర్ట్ కూడా ఉంది. దీని వల్ల కేవలం 8 నిమిషాల్లోనే 50 శాతం బ్యాటరీని రీఛార్జ్ చేయవచ్చని కంపెనీ చెబుతోంది. ఇక్కడ గమనించాల్సిన విషయం ఏమిటంటే.. ఐకూ నియో 7 స్మార్ట్ఫోన్కు కూడా ఇదే 120వాట్ ఫాస్ట్ ఛార్జింగ్ సపోర్ట్ ఉంది.
ప్రస్తుతానికి ఐకూ కంపెనీ ఈ నయా స్మార్ట్ఫోన్లోని బ్యాటరీ కెపాసిటీని వెల్లడించలేదు. చైనాలో విడుదల చేసిన నియో 7 రేసింగ్ ఎడిషన్ ఉన్నట్లుగానే ఐకూ నియో 7 ప్రో ఉండొచ్చని మార్కెట్ వర్గాల అంచనా. ఒక వేళ అదే నిజమైతే.. ఒన్ప్లస్ 11ఆర్, వివో వీ27 ప్రో స్మార్ట్ఫోన్లతో పాటు.. త్వరలో లాంఛ్ కానున్న నథింగ్ ఫోన్ 2 కూడా క్వాల్కమ్ స్నాప్డ్రాగన్ ప్రోసెసర్ కలిగి ఉన్నాయని స్పష్టమవుతోంది.
ఐకూ నియో ప్రో ఫీచర్స్ అండ్ స్పెసిఫికేషన్స్
- డిస్ప్లే : 6.78 ఇంచీ అమోలెడ్ డిస్ప్లే+ ఫుల్ హెచ్డీ + 120హెచ్జెడ్ రిఫ్రెస్ రేట్
- రియర్ కెమెరా : 50 మెగా పిక్సెల్ మెయిన్ కెమెరా + 8ఎమ్ఎమ్+2ఎమ్ఎమ్
- ఫ్రెంట్ కెమెరా : 16 మెగా పిక్సెల్
- బ్యాటరీ : 5000ఎమ్ఏహెచ్ బ్యాటరీ
- ర్యామ్ : 8జీబీ
- స్టోరేజ్ : 256 జీబీ
- ఓఎస్ : ఆండ్రాయిడ్ 13
iQOO Neo 7 Pro Price : భారత మార్కెట్లో ఐకూ నియో 7 ప్రో స్మార్ట్ఫోన్ ధర సుమారు రూ.38,000 నుంచి రూ.42,000 మధ్యలో ఉండవచ్చని మార్కెట్ వర్గాల అంచనా వేస్తున్నాయి.
