పుణెలోని ఎంఐటీ కళాశాల విద్యార్థులు.. దేశంలో మొదటిసారిగా డ్రైవర్ లేకుండా నడిచే కారును తయారుచేశారు. మెకానికల్ విభాగంలో చివరి సంవత్సరం విద్యార్థులైన యశ్ కేస్కర్, సుధాంశు మణెరికర్, సౌరభ్ దమాక్లే, శుభంగ్ కులకర్ణి, ప్రత్యక్ష పాండే, ప్రేరణ కొలిపాక తయారు చేసిన ఈ వాహనం ఆకట్టుకుంటోంది. ఈ వాహనం అత్యాధునిక కృత్రిమ మేధ పరిజ్ఞానంతో పనిచేస్తుందని విద్యార్థులు తెలిపారు. మానవ తప్పిదాలతో జరిగే ప్రమాదాలను తగ్గించేందుకు ఈ వాహనం సహాయపడుతుందని వివరించారు.
వాహనంలో మూడు కిలోవాట్ల సామర్థ్యం కలిగిన లిథియం ఐరన్ బ్యాటరీని ఉపయోగించినట్లు విద్యార్థులు తెలిపారు. ఈ బ్యాటరీని నాలుగు గంటలు ఛార్జ్‌ చేస్తే దాదాపు నలభై కిలోమీటర్ల దూరం వరకు ప్రయాణించవచ్చన్నారు. పుణె స్మార్ట్ సిటీ, మెట్రో మేనేజ్‌మెంట్ అధికారులు.. ఈ వాహనాన్ని తనిఖీ చేసి ప్రజలకు అందుబాటులోకి తె‌స్తారని కళాశాల ప్రొఫెసర్‌ తెలిపారు.
ఇదీ చూడండి: డ్రైవర్ లెస్ టాక్సీలో ప్రయాణం- ఆ థ్రిల్లే వేరూ!
