వాట్సాప్​కు కేంద్రం 'వార్నింగ్​ లెటర్'​!

కొత్త నిబంధనల విషయంపై వాట్సాప్​కు కేంద్రం లేఖ రాసింది. యూజర్ల గోప్యతకు సంబంధించి ఏకపక్ష నిర్ణయాలు ఆమోదయోగ్యం కాదని అందులో అభిప్రాయపడింది. వాట్సాప్ ఆ నిబంధనలను ఉపసంహరించుకోవాలని సూచించింది.

వాట్సాప్ కొత్త నిబంధనలపై భారత ప్రభుత్వం స్పందించింది. వ్యక్తిగత గోప్యత ప్రమాణాల విషయంలో ఏకపక్ష నిర్ణయం ఆమోదయోగ్యం కాదని వాట్సాప్​కు సూచించింది. నిబంధనల్లో మార్పులను వెనక్కి తీసుకోవాలని వాట్సాప్​కు తెలిపింది. మార్పుల విషయాన్ని పునరాలోచించాలని పేర్కొంది.

ఈ మేరకు వాట్సాప్ సీఈఓకు ఎలక్ట్రానిక్స్, ఇన్​ఫర్మేషన్ టెక్నాలజీ మంత్రిత్వ శాఖ లేఖ రాసింది. 'వాట్సాప్​కు అత్యధిక యూజర్​ బేస్ ఉన్న దేశం భారత్. వాట్సాప్​కు అతిపెద్ద మార్కెట్లలో భారత్​ కూడా ఒకటి' అనే విషయాన్ని లేఖలో గుర్తు చేసింది.

వాట్సాప్ ఇటీవల ప్రకటించిన సేవా నిబంధనలు, గోప్యతా ప్రమాణాల్లో మార్పులతో.. దేశీయంగా, ప్రపంచవ్యాప్తంగా పెద్ద ఎత్తున యూజర్లలో ఆందోళన వ్యక్తమవుతోంది. ఈ నేపథ్యంలో కేంద్రం వాట్సాప్​కు లేఖ రాయడం గమనార్హం.