How To Lock Apps On Android Phone : మీ ఫోన్​లోని డేటా భద్రంగా ఉండాలా?.. సింపుల్​గా యాప్స్​ను లాక్ చేసుకోండిలా!

How To Lock Apps On Android Phone : మ‌న ఫోన్​ను ఎవ‌రికైనా ఇచ్చినప్పుడు మ‌న ప‌ర్స‌న‌ల్ డేటా చూస్తారేమో అనే ఒక చిన్న భ‌యం ఉంటుంది. ఇక నుంచి ఆ భ‌యం లేకుండా.. మ‌న వ్య‌క్తి గ‌త చిత్రాలను, యాప్స్​ను, వాట్సాప్ చాట్​లను ఇత‌రులు చూడ‌కుండా ఇలా హైడ్ చేసుకోవాలో ఇప్పుడు తెలుసుకుందాం.

How To Lock Apps On Android Phone : స్మార్ట్‌ఫోన్‌లు మ‌న జీవితంలో ఒక భాగ‌మైపోయాయి. కుటుంబ స‌భ్యులు, స్నేహితుల‌తో క‌నెక్ట్ కావడానికి.. ఆర్థిక వ్య‌వ‌హారాలు చ‌క్కబెట్టుకోవ‌డానికి మనం ఫోన్ల‌ను వినియోగిస్తున్నాం. వ్య‌క్తిగ‌త గోప్య‌త దృష్ట్యా మ‌న ఫోన్​ను ఎవ‌రికీ ఇవ్వకూడదు. కానీ కొన్ని ప్రత్యేక పరిస్థితుల్లో ఇతరులకు మన ఫోన్​ను ఇవ్వాల్సి వస్తుంది. ఇలా ఇచ్చినప్పుడు మ‌న డేటా, ప‌ర్స‌న‌ల్ ఫొటోలు, చాట్స్ లాంటివి వాళ్లు చూస్తార‌నే భ‌యం ఉంటుంది. ఇలాంటి సమస్య ఏర్పడకుండా ఉండాలంటే.. మన ఫోన్​ గ్యాల‌రీకి, యాప్స్​కి లాక్ వేసుకోవాలి. అదెలాగో ఇప్పుడు తెలుసుకుందాం.

ఆండ్రాయిడ్ ఫోన్‌లో యాప్​లకు లాక్ ఎలా వేయాలి?

• ముందుగా గూగుల్ ప్లేస్టోర్ నుంచి AppLock అనే అప్లికేష‌న్​ను డౌన్​లోడ్ చేసుకుని ఇన్​స్టాల్​ చేసుకోండి.
• ఇది మ‌న ఫోన్​కు సంబంధించిన కొన్ని అనుమ‌తులు అడుగుతుంది. అవన్నీ ఇవ్వండి.
• యాప్ ఓపెన్ చేసిన త‌ర్వాత "+" బటన్‌పై నొక్కండి. అక్క‌డ మీ ఫోన్​లోని అప్లికేష‌న్ల జాబితా క‌నిపిస్తుంది.
• మీరు లాక్ వేయాల‌నుకున్న యాప్స్​ అన్నింటిపై సెలక్ట్​ చేయండి.
• ఇలా యాప్స్ అన్నీ ఎంచుకున్న త‌ర్వాత మ‌ళ్లీ "+" బటన్‌ను నొక్కితే అవన్నీ లాక్ అయిపోతాయి. దీనితో ఇతరులు ఎవ్వరూ ఆ యాప్స్​ను యాక్సెస్ చేయలేరు.

డేటా భద్రం!
ఒకసారి యాప్స్​కు లాక్ వేసిన తరువాత.. ఇత‌రులు ఎవ్వరూ వాటిని యాక్సెస్ చేయ‌లేరు. ఎందుకంటే మీరు AppLock కి ఫింగ‌ర్​ప్రింట్ లాక్ పెట్టుకోవ‌చ్చు. దీని కోసం యాప్‌లోని Settings విభాగానికి వెళ్లి, "Password Settings"పై నొక్కితే అక్క‌డ ఫింగ‌ర్​ప్రింట్, ఫేస్ అన్​లాక్‌, కీస్, నంబ‌ర్స్ ఆప్ష‌న్లు క‌నిపిస్తాయి. వాటిలో మీకు కావాల్సిన దాన్ని ఎంచుకోవ‌చ్చు.

App Lock ఉచిత‌మేనా ?
ఈ యాప్ ఉచితంగానే వాడుకోవ‌చ్చు. ఎలాంటి రుసుము చెల్లించాల్సిన అవ‌స‌రం లేదు. ఇందులో ఇంకో మంచి విష‌యం ఏంటంటే.. ఇది యాడ్ ఫ్రీ యాప్‌. అందువల్ల ఎలాంటి ప్ర‌క‌ట‌న‌లు రావు. ఇక్కడ మీరు గుర్తించుకోవాల్సిన విషయం ఏమిటంటే.. గూగుల్ ప్లేస్టోర్​లో ఇలాంటి యాప్స్ ఎన్నో అందుబాటులో ఉన్నాయి. వాటిలోంచి ఒక మంచి రిలయబుల్​ యాప్​ను ఎంచుకోవాల్సి ఉంటుంది.

ఫొటోలు, వీడియోలు ఎలా దాచాలి ?
చాలా స్మార్ట్‌ఫోన్‌లలో ఫోటోలు, వీడియోలను హైడ్​ చేసుకోవడానికి తగిన ఆప్షన్స్ ఉంటాయి. వీటిని మనం ఎనేబుల్ చేసుకోవాల్సి ఉంటుంది. ఇందుకోసం ముందుగా.. మీ ఫోన్ల‌లోని గ్యాల‌రీ సెట్టింగ్స్​ని మార్చుకోవాల్సి ఉంటుంది. ఉదాహరణకు Samsung వినియోగదారులు.. త‌మ గ్యాలరీ యాప్‌లో ఫోటోలు లేదా వీడియోలను ఎంచుకున్న తర్వాత సెట్టింగ్స్ మెనూలో "మూవ్ టు సెక్యూర్ ఫోల్డర్ అనే ఆప్ష‌న్​పై క్లిక్ చేస్తే అవి అందులోకి వెళ్లిపోతాయి. ఇలాంటి సౌక‌ర్యం లేని వినియోగ‌దారులు ప్లేస్టోర్ నుంచి ఏదైనా మంచి థర్డ్ పార్టీ యాప్​ను డౌన్​లోడ్ చేసుకుని వాడుకోవ‌చ్చు.

వాట్సాప్ చాట్​లను హైడ్ చేయడం ఎలా?
Whatsapp Chat Hiding : వాట్సాప్​లో ఫింగ‌ర్​ప్రింట్ లాక్ ఉంటుంది. దీనిని ఉపయోగించి మ‌న‌ం కోరుకున్న చాట్​ను ఇతరులు ఎవరూ చూడకుండా దాచ‌వ‌చ్చు. అది ఎలా అంటే.. ముందుగా మీరు కోరుకున్న చాట్​ని లాంగ్​ప్రెస్ చేస్తే పైన బాణం గుర్తు క‌లిగిన ఆప్ష‌న్ క‌నిపిస్తుంది. దానిని సెలెక్ట్ చేసుకుంటే సంబంధిత చాట్ ఆర్కైవ్​లోకి వెళుతుంది. దీంతో పాటు ఒక్కో చాట్​కు లాక్ వేసుకునే సౌక‌ర్యం కూడా వాట్సాప్​లో ఉంది. దీనికోసం ముందుగా వాట్సాప్​ Settings ఓపెన్ చేసి Privacy ఆప్ష‌న్​ని ఎంచుకుని కింద‌కి బ్రౌజ్ చేస్తే ఆప్ష‌న్లు క‌నిపిస్తాయి. వాటిలో మ‌న‌కు కావాల్సిన దాన్ని ఎంపిక చేసుకోవ‌చ్చు.