Home WIFI safety tips : మీరు మీ ఇంట్లో వైఫై వాడుతున్నారా? చక్కగా మీ ల్యాప్టాప్స్, మొబైల్స్, ట్యాబ్స్ను.. అమెజాన్ అలెక్సా లాంటి టెక్ గ్యాడ్జెట్స్ను వైఫైతో అనుసంధానం చేసి వాడుకుంటున్నారా? ఓకే గుడ్. ఇక్కడి వరకు అంతా బాగానే ఉంది. కానీ వైర్లెస్ డివైజ్ కనెక్టివిటీ వచ్చిన తరువాత నెట్వర్క్ సెక్యూరిటీ అన్నది చాలా కష్టమైపోతోంది. ముఖ్యంగా హ్యాకర్స్ బెడద చాలా పెరిగిపోయింది. ఇలాంటి పరిస్థితుల్లో మన ఇంట్లో వాడుతున్న వైఫైని ఎలా సురక్షితంగా ఉంచుకోవాలో చూద్దాం.
how to secure WiFi from hackers : గుడ్ న్యూస్ ఏమిటంటే, మీ వైఫైని సురక్షితంగా ఉంచుకోవడానికి మీరు కచ్చితంగా టెక్ గీక్ కానీ, సెక్యూరిటీ ఎక్స్పర్ట్గానీ కానవసరం లేదు. కింద పేర్కొన్న టిప్స్ను అనుసరిస్తే చాలు.. మీ వైఫైని మీరే స్వయంగా సురక్షితం చేసుకోవచ్చు. అలాగే మీ ప్రియమైన వారి డేటాను హ్యాకర్స్ చోరీ చేయకుండా కాపాడుకోవచ్చు.
- మీ హోమ్ నెట్వర్క్కు ఎప్పుడూ మీ డిఫాల్ట్ నేమ్ & పాస్వర్డ్స్ పెట్టకండి. కఠినమైన పాస్వర్డ్ పెట్టడం వల్ల మీ వైఫైని అంత సులభంగా ఎవరూ క్రాక్ చేయలేరు.
- అపరిచితులకు మీ వైఫైని షేర్ చేయకండి. ఉదాహరణకు మీ ఇంటిలో రిపేర్ వర్క్ చేయడానికి వచ్చిన వ్యక్తికి మీ వైఫైని షేర్ చేయాల్సిన అవసరం లేదు.
- గెస్ట్ వైఫై నెట్వర్క్ను క్రియేట్ చేసుకోండి. ఒక వేళ అపరిచితులకు మీరు వైఫైని షేర్ చేయాల్సి వచ్చినప్పుడు ఇది ఉపయోగపడుతుంది. దీని వల్ల మీ ప్రైమరీ వైర్లెస్ నెట్వర్క్కు ఎలాంటి ఇబ్బందీ కలగదు. అలాగే మీ సిస్టమ్లోని ఫైల్స్, ఫోల్డర్స్, ప్రింటర్స్, స్టోరేజ్ డివైజ్లను ఇతరులు యాక్సెస్ చేయడానికి వీలుపడదు.
- వైఫై ఎన్క్రిప్షన్స్ ఎనేబుల్ చేసుకోండి. దీని వల్ల మీ డేటాను ఇతరులు చూడడానికి, యాక్సెస్ చేయడానికి వీలుపడదు. అలాగే లాగిన్ కాకుండా.. ఇతరులు ఎవ్వరూ మీ వైఫై వాడుకోలేరు.
- ఫైర్వాల్ను ఎనేబుల్ చేసుకోండి. దీని వల్ల మీ నెట్వర్క్కు అవసరంలేని ట్రాఫిక్ తగ్గిపోతుంది.
- మీరు ఇంటి నుంచి బయటకు వెళ్లినప్పుడు వైఫైని స్విచ్ ఆఫ్ చేయండి. దీని వల్ల మీరు లేనప్పుడు కూడా మీ వైఫై నెట్వర్క్ సురక్షితంగా ఉంటుంది.
- మీ రూటర్ ఫర్మ్వేర్ను క్రమం తప్పకుండా అప్డేట్ చేస్తూ ఉండండి. ఇందుకోసం రూటర్ను తయారుచేసిన కంపెనీ వెబ్సైట్ నుంచి అప్డేట్ ఫైల్స్ని డౌన్లోడ్ చేసుకుని, ఇన్స్టాల్ చేయండి.
- రిమోట్ యాక్సెస్ను నిలిపివేయండి. వాస్తవానికి రిమోట్ యాక్సెస్ ద్వారా మీరు ఎక్కడ ఉన్నప్పటికీ మీ వైఫైని సమర్థవంతంగా వాడుకోవచ్చు. కానీ దీని వల్ల హ్యాకర్స్ నుంచి ముప్పు కూడా బాగానే ఉంటుంది. అందువల్ల అవసరం లేనప్పుడు రిమోట్ యాక్సెస్ను నిలిపివేయడమే మంచిది.
ఇవీ చదవండి :
