'నేను ఆస్పత్రిలో ఉన్నా, నాకు రూ.20 వేలు అర్జెంట్గా పంపిస్తావా?' అని మీ ఫేస్బుక్ ఫ్రెండ్ నుంచి మెసేజ్. మీరు అతడు చెప్పిన అకౌంట్లో డబ్బులు వేసిన తర్వాతగానీ తెలియదు. సదరు వ్యక్తి అకౌంట్ హ్యాక్ అయిందని, ఎవరో హ్యాకర్ వల్ల మీరు డబ్బులు పోగొట్టుకున్నారని.. ఈ మధ్య కాలంలో ఇలాంటివి చాలా చూస్తున్నాం. మీ ఫేస్బుక్ అకౌంట్ కూడా హ్యాక్ కావొచ్చు! ఒకవేళ ఇప్పటికే హ్యాక్ అయితే దానిని గుర్తించడం ఎలా? ఇతరులు మీ ఖాతాలోకి లాగిన్ కాకుండా ఉండాలంటే ఏం చేయాలి?
గుర్తించడం ఎలా?
- ముందుగా మీరు మీ ఫేస్బుక్ అకౌంట్లోకి లాగిన్ అవ్వండి.
- సెట్టింగ్ సెక్షన్లోకి వెళ్లి.. సెక్యురిటీ ఆప్షన్ను సెలెక్ట్ చేయండి.
- అందులో మీ ఖాతా.. ఎన్ని డివైజ్లలో లాగిన్ అయిందో తెలుస్తుంది.
- మీకు సంబంధం లేని డివైజ్ లాగిన్లను లాగౌట్ చేయండి.
- లేదంటే.. లాగౌట్ ఆల్ అనే ఆప్షన్ను ఎంచుకుని.. అన్నింటిని డిలీట్ చేసి కొత్తగా మీ డివైజ్ నుంచి లాగిన్ అవ్వండి.
మీ ఖాతాలోకి ఇతరులు లాగిన్ కాకుండా ఉండాలంటే..
- మీ ఫేస్బుక్ అకౌంట్ను సురక్షితంగా ఉంచాలంటే.. 'టూ ఫ్యాక్టర్ అథెంటికేషన్' ఆన్ చేయండి.
- ఇందుకు మీరు సెక్యురిటీ సెక్షన్ను సెలెక్ట్ చేయండి.
- అందులో కిందికి వెళితే.. 'యూజ్ టూ ఫ్యాక్టర్ అథెంటికేషన్' అనే ఆప్షన్ ఉంటుంది. అప్పుడు ఎడిట్ అనే ఆప్షన్ ఎంచుకోండి.
- అందులో మీ మొబైల్కు ఎస్ఎంఎస్ ద్వారా అథెంటికేట్ చేసుకోవచ్చు. లేదా.. గూగుల్ అథెంటికేషన్ను కూడా సెలెక్ట్ చేసుకోవచ్చు.
- టూ ఫ్యాక్టర్ అథెంటికేషన్ను సెలెక్ట్ చేసుకుంటే.. ఇతరులు మీ అకౌంట్లోకి లాగిన్ కాలేరు.
- లాగిన్ కావాలంటే మీ ఖాతా పాస్వర్డ్తో పాటు 'టూ ఫ్యాక్టర్ అథెంటికేషన్' పాస్వర్డ్ కూడా అవసరం అవుతుంది.
ఇదీ చదవండి:టెలిగ్రామ్లో కొత్త ఫీచర్.. ఒకేసారి 1000 మందితో!
