Google Will Delete Inactive Accounts : మీరు మీ జీ-మెయిల్ అకౌంట్ను చాలా కాలంగా ఉపయోగించట్లేదా? అయితే త్వరపడండి. గూగుల్ మరికొద్ది రోజుల్లో ఇన్యాక్టివ్ జీ-మెయిల్ అకౌంట్లను తొలగించనుంది. ఇదే జరిగితే మీ జీ-మెయిల్, గూగుల్ డ్రైవ్, డాక్స్ సహా పలు గూగుల్ ప్రొడక్టుల్లోని మీ డేటా మొత్తం డిలీట్ అయిపోతుంది. ఇలా జరగకుండా ఉండాలంటే.. ఏ విధమైన జాగ్రత్తలు తీసుకోవాలి? అనే విషయాన్ని ఇప్పుడు తెలుసుకుందాం.
WHY IS GOOGLE DELETING INACTIVE ACCOUNTS : జీ-మెయిల్ అకౌంట్ల భద్రతను మెరుగుపర్చేందుకు.. దాదాపు రెండేళ్లుగా ఇన్యాక్టివ్గా ఉన్న ఖాతాలను తొలగించనున్నామని గూగుల్ సంస్థ మే నెలలో ప్రకటించింది. సాధారణంగా ఇన్యాక్టివ్ ఖాతాల్లో టు-ఫ్యాక్టర్ అథెంటిఫికేషన్ ఉండదు. అందువల్ల ఇవి హ్యాకింగ్కు గురయ్యే అవకాశం ఉంటుంది. అంతేకాదు సైబర్ నేరగాళ్లు.. సాధారణ యూజర్ల ఖాతాలను చట్ట వ్యతిరేక, అనైతిక కార్యకలాపాలకు ఉపయోగించే అవకాశముంది. అంతే కాదు యూజర్ల ఐడెంటిటీని కూడా దొంగిలించే ప్రమాదం ఉంటుంది. అందుకే సదరు ఖాతాలను డిసెంబర్ నుంచి తొలగించనున్నట్లు గూగుల్ స్పష్టం చేసింది.
జీ-మెయిల్ అకౌంట్ డిలీట్ కాకుండా ఉండాలంటే ఏం చేయాలి?
- కనీసం రెండు సంవత్సరాలకు ఒక సారైనా మీ జీ-మెయిల్ అకౌంట్లోకి సైన్ఇన్ కావాలి.
- మీ జీ-మెయిల్ ఖాతా ఉపయోగించి ఇతరులకు మెయిల్లు పంపుతూ ఉండాలి.
- మీ జీ-మెయిల్ అకౌంట్తో లాగిన్ అయ్యి గూగుల్ సెర్చింజన్ను ఉపయోగించాలి.
- యూట్యూబ్ వీడియోలు చూడాలి.
- గూగుల్ ఫొటోస్ అప్లికేషన్ను ఉపయోగిస్తుండాలి.
- మీ గూగుల్ అకౌంట్తో.. థర్డ్ పార్టీ యాప్ల్లో లాగిన్ అయినా.. సబ్స్క్రిప్షన్ ప్లాన్లు తీసుకున్నా.. సదరు అకౌంట్లు కూడా డిలీట్ కావు.
మినహాయింపులు ఏమైనా ఉన్నాయా?
రెండేళ్లు లేదా అంతకంటే ఎక్కువ కాలం ఇన్యాక్టివ్గా ఉన్న వ్యక్తిగత ఖాతాలను మాత్రమే గూగుల్ డిలీట్ చేస్తుంది. పాఠశాలలు, వివిధ కంపెనీలకు చెందిన జీ-మెయిల్ అకౌంట్లను మాత్రం తొలగించమని గూగుల్ స్పష్టం చేసింది. గూగుల్ ప్రొడక్టులు, యాప్స్, సబ్స్క్రిప్షన్లు తీసుకున్న అకౌంట్లను; గిఫ్ట్ కార్డ్ బ్యాలెన్స్ ఉన్న అకౌంట్లకు కూడా మినహాయింపు ఉంది. యూట్యూబ్ ఖాతాలకు లింకైన అకౌంట్లను కూడా డిలీట్ చేయమని గూగుల్ స్పష్టం చేసింది.
మీ జీ-మెయిల్ అకౌంట్లోని డాటాను సేవ్ చేయొచ్చా?
గూగుల్ టేక్ అవుట్ను ఉపయోగించి ఏ సమయంలోనైనా మీ జీ-మెయిల్ ఖాతాలోని డేటాను ఎక్స్పోర్ట్, డౌన్లోడ్ చేసుకోవచ్చు. అంతేకాదు మీకు అవసరమైన (ఫైల్స్, ఫొటోస్) డేటాను.. మీ కుటుంబ సభ్యులు, విశ్వసనీయ వ్యక్తులకు పంపించవచ్చు. గూగుల్ తరచుగా మీ జీ-మెయిల్ ఖాతా రికవరీ అకౌంట్ను అప్డేట్ చేయమని అడుతుంది. అలాంటి సమయంలో అప్డేట్ చేయాలనుకుంటే చేయవచ్చు. ఒకవేళ ఎవరైనా ఖాతాదారుడు మరణించి ఉంటే.. అతని గూగుల్ అకౌంట్లోని డేటాను.. సదరు వ్యక్తికి సంబంధించి కుటుంబ సభ్యులకు అందిస్తుంది.
మీ ఫోన్లో ఈ సీక్రెట్ కోడ్స్ ఎంటర్ చేస్తే - మీరు ఊహించని సమాచారం వస్తుంది!
