Google tips and tricks 2022: ఏదైనా విషయం గురించి తెలుసుకోవాలంటే టక్కున గుర్తొచ్చేది గూగుల్. వెంటనే కంప్యూటర్, ల్యాప్టాప్, ఫోన్ ఓపెన్ చేసి గూగుల్లో సెర్చ్ చేసేస్తాం. చిన్న వర్డ్ టైప్ చేసినా వేల సంఖ్యలో వెబ్సైట్లు కుప్పలు తెప్పలుగా స్క్రీన్పై కనిపిస్తాయి. మనం సెర్చ్ చేస్తున్న వెబ్సైట్ లేదా అంశం కచ్చితంగా తెలుసుకోవటం సహా.. వేగంగా పని జరిగిపోవాలంటే కొన్ని చిట్కాలు, షార్ట్కట్లు తెలిసుండాలి. మన టెక్ జీవితాన్ని మరింత సులభతరం చేసే గూగుల్ షార్ట్కట్స్ మీకోసం..
- గూగూల్ సైట్: గూగుల్లో ఏదైనా సెర్చ్ చేస్తే వందల కొద్ది సైట్లు ప్రత్యక్షమవుతాయి. వీటిలో మనకు నిజంగా కావాల్సిన వెబ్సైట్ను వెతుక్కోవటానికే సమయం సరిపోతుంది. గూగుల్లోని సైట్ ఫీచర్తో ఇలాంటి ఇబ్బందిని తేలికగా తప్పించుకోవచ్చు. బ్రౌజర్లో గూగుల్ను ఓపెన్ చేసి వెబ్సైట్కు ముందు site: అని టైప్ చేస్తే సరి. ఉదాహరణకు మీరు ఈటీవీ భారత్ వెబ్సైట్ కోసం సెర్చ్ చేస్తున్నారనుకోండి. site:www.etvbharat.com అని టైప్ చేయాలన్నమాట. దీంతో అన్నీ ఈటీవీ భారత్ వెబ్సైట్కు సంబంధించిన అంశాలే కనిపిస్తాయి.
- "కొటేషన్ మార్క్స్" ఒక విషయం గురించి తెలుసుకునేందుకు మనం రెండు లేదా అంతకన్నా ఎక్కువ పదాలతో సెర్చ్ చేస్తుంటాం. అలాంటప్పుడు గూగుల్ వాటిని విడివిడిగా సెర్చ్ చేస్తుంది. దీంతో మనకు కావాల్సిన సమాచారం కాకుండా ఇతర ఇన్ఫర్మేషన్ సైతం కనిపిస్తుంది. కొటేషన్ మార్క్స్ ఉపయోగిస్తే.. మనం సెర్చ్ చేస్తున్న పదానికి సంబంధించిన సమాచారమే వస్తుంది. ఉదాహరణకు "James Clear" అని సెర్చ్ చేస్తే.. జేమ్స్ లేదా క్లియర్ విడివిడిగా సెర్చ్ చేయకుండా.. జేమ్స్ క్లియర్కు సంబంధించిన ఫలితాలను మాత్రమే చూపిస్తుంది.
- - డ్యాషెస్ మీరు గూగుల్లో సెర్చ్ చేసే పదంలోంచి ఒక పదాన్ని మినహాయించాలంటే దాని ముందు హైఫన్(-) పెడితే సరిపోతుంది. ఉదాహరణకు dolphins-football అని టైప్ చేయాలి. అలా చేస్తే డాల్ఫిన్స్ గురించి మాత్రమే వస్తుంది. డాల్ఫిన్స్ పేరుతో ఉన్న ఫుట్బాల్ జట్టుకు సంబంధించిన రిజల్ట్స్ కనిపించవు.
- ~ టిల్డే గూగుల్లో ఒక పదానికి పర్యాయపదాలు కావాలనుకున్నప్పుడు ఈ చిట్కాను పాటిస్తే సరి. ఉదాహరణకు music ~classes అని సెర్చ్ చేశామనుకోండి.. మీకు మ్యూజిక్ క్లాసెస్, లెసన్స్, కోచింగ్కు సంబంధించిన సెర్చ్ రిజల్ట్స్ కనిపిస్తాయి.
- | వెర్టికల్ బార్ గూగుల్లో ఏదైనా రెండు విషయాల గురించి ఒకేసారి సెర్చ్ చేస్తాం. అందుకు రెండు పదాల మధ్య OR వినియోగిస్తాం. | వెర్టికల్ బార్ సైతం అదేవిధంగా పనిచేస్తుంది. OR అని టైప్ చేయకుండా | వెర్టికల్ బార్ను ఉపయోగిస్తే సరి. ఉదాహరణకు Netflix | Hulu, Netflix OR Hulu
- .. టూ పీరియడ్స్ నిర్దిష్టమైన సమయంలో జరిగిన సంఘటనల గురించి తెలుసుకునేందుకు దీనిని ఉపయోగిస్తాం. ఉదాహరణకు 1980 నుంచి 2000 మధ్య వచ్చిన సినిమాల గురించి తెలుసుకునేందుకు movies 1980..2000 అని సెర్చ్ చేస్తే.. ఆ సమయంలో వచ్చిన సినిమాలు కనిపిస్తాయి.
- లొకేషన్: ఒక నిర్దిష్టమై ప్రాంతం గురించి తెలుసుకునేందుకు ఈ షార్ట్కట్ను ఉపయోగిస్తాం. ఉదాహరణకు Elon Musk location:sanfrancisco అని టైప్ చేస్తే.. ఎలాన్ మస్క్కు సంబంధించి శాన్ఫ్రాన్సిస్కోతో ముడిపడి ఉన్న సెర్చ్ రిజల్ట్స్ మాత్రమే వస్తాయి.
- ఫైల్టైప్: ఒక వ్యక్తి గురించి లేదా సంస్థ గురించి గూగుల్లో సమాచారం తెలుసుకోవాలన్నప్పుడు వివిధ ఫార్మాట్లలో వస్తుంది. అయితే.. ఒకే విధమైన ఫైల్ టైప్లో సమాచారం కావాలనుకుంటే Filetype: ను ఉపయోగిస్తే సరి. ఉదాహరణకు warren buffet filetype:pdf అని సెర్చ్ చేయాలి. అప్పుడు వేర్వేరు వైబ్సైట్ల లింకులు రాకుండా పీడీఎఫ్ ఫార్మాట్లో ఉన్న డాక్యుమెంట్స్ లింక్స్ మాత్రమే వస్తాయి.
ఇదీ చూడండి:
