Erase Data iPhone: ఐఫోన్కు ఉన్న క్రేజ్ అంతా ఇంతా కాదు! ఆ ఫోన్లో ఉండే ఫీచర్స్‌ అలాంటివి. అయినప్పటికీ కొన్నిసార్లు ఐఫోన్ యూజర్ల డేటా లీకైందని వార్తలు వస్తూనే ఉంటున్నాయి. ఫోన్ పోవడం, దొంగతనానికి గురవడం, హ్యాక్ అవడం.. ఇలా సందర్భం ఏదైనా మీ డేటా ఇతరులు/సైబర్ నేరగాళ్ల చేతికి చిక్కే అవకాశముంది. సులభతరమైన పాస్వర్డ్లు సెట్ చేసుకోవడం వల్ల మీ ఫోన్ ఈజీగా హ్యాక్ అయ్యే ప్రమాదముంది. అయితే ఆ ప్రమాదం నుంచి యూజర్ల డేటాను కోల్పోకుండా.. ఇతరులకు చిక్కకుండా అదిరిపోయే ఫీచర్ ఐఫోన్లో ఉంది. అదే 'ఎరేస్ డేటా'.
ఐఫోన్ సేఫ్టీ ఫీచర్
'ఎరేస్ డేటా' ఫంక్షన్తో మీ డేటాను సురక్షితంగా ఉంచుకోవచ్చు. మీ ఐఫోన్లో ఈ ఫీచర్ ఆన్ చేసి ఉన్నట్లయితే.. మీకు తెలియకుండా ఇతరులెవరైనా పాస్‌వర్డ్‌ను ఓపెన్ చేయడానికి, ఫోన్ హ్యాక్ చేయడానికి ప్రయత్నించినా.. ఆ డేటా డిలీట్ అయిపోతుంది. 10 సార్లు తప్పు పాస్వర్డ్ ఎంటర్ చేస్తే.. మీ ఐఫోన్లోని ఫొటోస్, మెసేజ్లు, కాంటాక్ట్ నెంబర్లు సహా మొత్తం డేటా డిలీట్ అయిపోతుంది.
ఎరేస్ డేటా ఫంక్షన్ను ఎలా ఎనెబుల్ చేయాలనేదే కదా మీ డౌట్! ఇలా యాక్టివేట్ చేసేయండి.
- మీ ఐఫోన్లో సెట్టింగ్స్ను ఓపెన్ చేయాలి
- ఫేస్ ఐడీ, పాస్కోడ్ ఓపెన్ చేయాలి. అక్కడ మీ పాస్వర్డ్ ఎంటర్ చేయాలి.
- కిందికి స్క్రోల్ చేయాలి. ఎరేస్ డేటాను ఆన్ చేయాలి.
మళ్లీ ఆ డేటాను పొందలేమా?
అయితే.. మీ డేటా అంతా పోయిందని బాధపడాల్సిన అవసరం లేదు. మళ్లీ మీ డేటాను సేఫ్గా బ్యాకప్ చేసుకోవచ్చు. ఐక్లౌడ్లో డేటా బ్యాకప్ ఉన్నంత వరకు మీ డేటా సురక్షితంగా ఉంటుంది. ఈ ఐక్లౌడ్ ద్వారా కొత్త ఫోన్లో మీ డేటాను తిరిగి పొందవచ్చు.
ఇదీ చూడండి: Background apps on Android: ఆండ్రాయిడ్ ఫోన్లలో అలా చేస్తే నష్టమే!
