రోజుకో గుడ్డు తింటే అనారోగ్యం దరిచేరదని వైద్య నిపుణులు ఏనాడో నిర్దరించారు. మరి ఆ గుడ్డుతో సలాడ్ చేసుకోవచ్చని మీకు తెలుసా.. ఇంకెందుకు ఆలస్యం.. రెసిపీ చూసేయండి.
కావాల్సినవి:
గుడ్లు - నాలుగు (ఉడికించినవి), ఉడికించిన బంగాళాదుంపలు - రెండు, క్యారెట్‌ - ఒకటి (తురమాలి), ఆకుపచ్చ క్యాప్సికం, టొమాటో, ఉల్లిపాయ - ఒక్కోటి చొప్పున, మిరియాల పొడి - చెంచా, చాట్‌మసాలా - అరచెంచా, ఉప్పు - తగినంత, కొత్తిమీర తరుగు - కొద్దిగా.
తయారీ:
గుడ్లను నాలుగు ముక్కల్లా చేసుకోవాలి. ఓ గిన్నెలో కూరగాయ ముక్కలన్నింటినీ తీసుకుని బాగా కలపాలి. అందులో కోడిగుడ్డు ముక్కలతోపాటూ చాట్‌మసాలా, మిరియాలపొడి, తగినంత ఉప్పు, కొత్తిమీర తరుగు వేసి కలిపితే చాలు. సలాడ్ సిద్ధమైనట్లే.
ఇదీ చదవండి: 'ఓట్స్‌ మంచూరియా' ఇలా చేసుకోండి.. హెల్దీగా ఉండండి!
