మిక్స్డ్ వెజిటేబుల్ పన్నీర్ కడాయి సబ్జీని ఉత్తర, దక్షిణ భారత దేశాల్లో ఎంతో ఇష్టంగా తింటారు. కూరగాయలు ఎక్కువగా ఉండి.. పన్నీర్ (Paneer Special) కూడా ఉండడం వల్ల ఎన్నో పోషక విలువలు దీనిలో ఉంటాయి. అయితే దీనిని రొట్టెలతో కానీ బిర్యానీతో కానీ తింటే చాలా బాగుంటుంది. దీనిని ఎలా తయారు చేయాలో ఓ సారి చూద్దాం.
మిక్స్డ్ వెజిటేబుల్ పన్నీర్ కడాయి సబ్జీ తయారీ విధానం..
మిక్స్డ్ వెజిటేబుల్ పన్నీర్ కడాయి సబ్జీని తయారు చేయడానికి ముందుగా స్టవ్ ఆన్ చేసుకుని గిన్నె పెట్టాలి. దానిలో కొంచెం నూనె వేసి వేడి చేయాలి. ముందుగా కట్ చేసుకున్న ఉల్లిపాయలతో పాటు సరిపడినంత ఉప్పు వేసుకుని దోరగా వేగించాలి. అందులో పసుపు, అల్లంవెల్లుల్లి ముద్ద, టొమోటో జ్యూస్, జీడిపప్పు పేస్ట్ వేసి చక్కగా ఉడికించుకోవాలి. దానిలో నుంచి నూనె బయటకు వచ్చిన తరువాత బంగాళదుంప, క్యారెట్ ముక్కలు, తెల్ల మిరియాల పొడి, ధనియాల పొడి, జీలకర్రపొడి, గరంమసాలా, తగినన్ని నీళ్లు పోసి ఉడకనివ్వాలి. బాగా వేడి చేశాక అందులో పన్నీర్, పచ్చి బఠానీ, చిటికెడు పంచదార, కసూరి మేతి, వెన్న కూడా వేసి దాన్ని కుక్ చేసుకోవాలి. చివర్లో ఒక్కనిమిషం ఉన్నప్పుడు క్యాప్సికం, కొంచెం క్రీమ్ కూడా వేసి వేడివేడిగా ఓ సర్వింగ్ బౌల్లోకి తీసుకొని.. రొట్టెలతో వడ్డించుకుంటే వాహ్వా అనిపిస్తుంది. దీనిని బిర్యానీతో కలిపి తీసుకున్నా చాలా బాగుంటుంది.
- " class="align-text-top noRightClick twitterSection" data="">
కావాల్సిన పదార్థాలు..
- నూనె
- ఉల్లిపాయలు
- ఉప్పు
- బంగాళాదుంప
- క్యారెట్
- క్యాప్సికం
- పసుపు
- అల్లంవెల్లులి
- కసూరి మేతి
- వెన్న
- టొమోటో జ్యూస్
- జీడిపప్పు పేస్ట్
- నీళ్లు
- కారం లేక మిరియాలు పొడి
- ధనియాల పొడి
- జీలకర్ర పొడి
- గరం మసాలా పొడి
- పచ్చి బఠానీ
- పంచదార
- పన్నీర్
ఇదీ చదవండి: Kaddu Ki Kheer: హైదరాబాద్ స్టైల్లో 'కద్దూ కీ ఖీర్'
