ఆకుకూరల్లో మానవుని శరీరానికి కావాల్సిన కార్బోహైడ్రేట్లు, విటమిన్లు, ప్రోటీన్లు, ఇతర పోషక పదార్థాలు ఉంటాయి. అందుకే ఇలాంటి పదార్థాల్ని ఎక్కువగా తీసుకోవాలి. అయితే వీటిని వండేటపుడు కొన్ని సులభ పద్దతులు పాటించడం వల్ల అందులో ఉన్న పోషక విలువలను మనం నష్టపోకుండా ఉంటాము. ముఖ్యంగా ఆకుకూరల్లో పోషక పదార్థాలు పోకుండా ఉండాలి అంటే వండేటప్పుడు చింతపండు, నిమ్మరసం, వేయకూడదని నిపుణులు సూచిస్తున్నారు. అవి వేయకుండా ఉండడం వల్ల ఆకుకూరల్లో పోషక పదార్థాలు అలానే ఉంటాయి.
మరిన్ని టిప్స్ను తెలుసుకుందాం..
- పండ్లను శుభ్రం చేయకుండా ఫ్రిడ్జ్లో ఉంచితే.. అవి ఎక్కువకాలం నిల్వ ఉంటాయి.
- నిమ్మకాయలను ఫ్రిడ్జ్లో పెట్టే ముందు వాటికి కొంచెం నూనె రాసి పెడితే.. అవి 20 నుంచి 24 రోజుల వరకు నిల్వ ఉంటాయి.
- మార్కెట్ నుంచి తెచ్చిన పండ్లు, కూరగాయలను ఉప్పు, పసుపు కలిపిన నీటిలో ఒక నిమిషం పాటు ఉంచి కడిగితే వాటికి ఉన్న రసాయనాలు తొలగిపోతాయి.
- పాలను రెండు, మూడు రోజులు నిల్వ ఉంచాల్సిన అవసరం వచ్చినప్పుడు వాటిలో కొంచెం బేకింగ్ సోడా వేస్తే విరిగిపోకుండా ఉంటాయి.
- ఉల్లిపాయలు కోసిన తరువాత చేతులు వాసన రాకుండా ఉండాలి అంటే ఒక బంగాళాదుంప ముక్కను చేతులకు రాసుకొని శుభ్రం చేసుకుంటే చేతులు ఉల్లి వాసన రాకుండా ఉంటాయి.
- పచ్చికొబ్బరి చిప్పల లోపల నిమ్మరసం రాస్తే కొబ్బరి ఎక్కువ రోజులు నిల్వ ఉంటుంది.
- ఎండుకొబ్బరిని సులభంగా తురమాలంటే.. దానిపై నీళ్లు చల్లి ఫ్రిడ్జ్లో పెట్టి రెండు నిమిషాల తరువాత సులభంగా తురుముకోవచ్చు.
- అరటి కాయలు కట్ చేసినప్పుడు.. ఆ ముక్కలను మజ్జిగతో కలిపిన నీటిలో వేస్తే ముక్కలు నల్లగా రాకుండా ఉంటాయి.
- దొండకాయలు త్వరగా ఉడకాలి అంటే వాటిలో కొంచెం వంటసోడా వేస్తే అవి త్వరగా ఉడుకుతాయి.
- టమోటాలు ఎక్కువ ధర ఉన్నప్పుడు పప్పు లాంటి వంటకాల్లో వాటికి బదులుగా చింతపండుగానీ, మామిడికాయ గానీ, లేదా చింత చిగురు గానీ వేసుకుని చేసుకుంటే వంట రుచిగా ఉంటుంది.
- గోధుమ రవ్వ పురుగు పట్టకుండా ఉండాలి అంటే ఆ రవ్వ ఉంచిన డబ్బాలో కొంచెం ఉప్పును మూట కట్టి వేయాలి. ఇలా చేయడం ద్వారా రవ్వ పురుగు పట్టకుండా ఉండదు.
ఇదీ చూడండి: Dosa Recipe: దోశలందు ఈ దోశ వేరయా!
