బేకరీ ఐటమ్స్ అంటే ఇష్టపడని వారు అరుదు. అయితే.. కరోనా కాలంలో బయట ఏది తినాలన్నా.. ఆలోచించాల్సిన పరిస్థితి. అలాగని నోటిని అదుపులో ఉంచుకోవాల్సిన అవసరమూ లేదు. ఇంట్లో లభించే పదార్థాలతో సింపుల్గా కోకోనట్ రైస్ పుడ్డింగ్ చేసుకోవచ్చు. అదెలాగంటే..
కావల్సినవి:
- పంచదార-కప్పు
- పచ్చి కొబ్బరి తురుము-ముప్పావు కప్పు
- అన్నం-కప్పు
- వెన్న- టేబుల్‌ స్పూను
- యాలకుల పొడి- టీ స్పూను
- కోడి గుడ్లు- రెండు
తయారీ విధానం:
- ఓ గిన్నె తీసుకొని అందులో అన్నం, కొబ్బరి తురుము, పంచదార, యాలకుల పొడి, గుడ్ల సొన వేసి బాగా కలుపుకోవాలి.
- ఇప్పుడు ఓ కేకు పాత్రకు వెన్న రాసి దానిలోకి ముందుగా కలిపి పెట్టుకున్న మిశ్రమాన్ని తీసుకుని ఓవెన్‌లో 180 డిగ్రీల వద్ద 20 నిమిషాల పాటు బేక్‌ చేసుకుంటే సరి. కోకోనట్ రైస్ పుడ్డింగ్ సిద్ధం.
ఇదీ చదవండి: కన్నడ స్వీట్ 'బెళగావి కుంద' సింపుల్ రెసిపీ
