ఉల్లిపాయలను ఎలా కట్ చేసుకోవాలో కూడా తెలుసుకోవాలా అని చాలామందికి సందేహం రావచ్చు. కానీ తెలుసుకోవాల్సి అవసరం ఉందని అంటున్నారు పాకశాస్త్రంలో చేయి తిరిగిన పెద్దలు. దీని వల్లే రెసిపీ టేస్ట్, ఫ్లేవర్, కలర్, అప్పీయరెన్స్ అనేవి ఆధారపడి ఉంటాయని చెప్తున్నారు. అయితే అన్నీ రకాలైన వంటకాల్లో ఉపయోగించే ఉల్లిపాయలను ఎలా కట్ చేసుకోవాలో, ఎన్ని రకాలుగా కట్ (Types Of Onion Cutting) చేసుకోవచ్చో, వాటిని ఎలాంటి వంటకాల్లో ఉపయోగిస్తారు అనేది ఓ సారి తెలుసుకుందాం.
- " class="align-text-top noRightClick twitterSection" data="">
- ముందుగా ఉల్లిపాయలు కట్ చేసేటప్పుడు వాటి మీద ఉన్న పై పొరను తొలగించాలి.
- ఆ తరువాత ఉల్లిపాయకు ఉండే కన్నును కూడా తీసివేయాలి.
- మనం ఆలు ఫ్రై చేసుకోవాలి అంటే.. ఉల్లిని సగానికి కట్ చేసి.. పరిమాణాన్ని బట్టి ఆరు నుంచి ఏడు నిలువు ముక్కలుగా తరగాలి. అనంతరం ఓ సారి అడ్డంగా కోయాలి. ఇక పై నుంచి చిన్న చిన్న ముక్కలుగా చాక్తో కట్ చేస్తే సరిపోతుంది. మనకు ఇంకా కావాలి అంటే వాటిని చిన్నగా కట్ చేసుకోవచ్చు. సులభంగా కట్ చేసుకోవడానికి.. చాక్ మధ్యలో ఉల్లిపాయ ముక్కలు పెట్టి.. ముందుభాగాన్ని చేతితో అదిమినట్లు పట్టుకుని చేస్తే చిన్నముక్కలు వస్తాయి.
- పులుసు, సాంబర్లోకి ఉల్లిపాయలు కట్ చేసుకోవాలి అంటే.. పొడవుగా తరిగితే సరిపోతుంది. కాని కట్ చేసేటప్పుడు ఉల్లిపాయపై వేళ్లను కొంచెం ఒంచినట్లుగా చేయాలి. లేకపోతే వేళ్లు చాక్ కింద పడే ప్రమాదం ఉంది.
- ఉల్లిపాయలను సలాడ్లోకి కట్ చేయడం అనేది చాలా సులభం. ముందుగా ఉల్లిపాయ పైపొరను, కన్నును తీసి మధ్యలోకి కట్ చేయాలి. అనంతరం రెండుగా వచ్చిన వాటిని చేతులతో గట్టిగా అదిమితే మధ్య భాగం బయటకు వస్తుంది. ఇలా వచ్చిన దానిని తొలగించి పొరలు పొరలుగా తీసుకుంటే సలాడ్కు సరిపడినట్లు ఉండే ఉల్లిపాయలు రెడీ.
ఇదీ చూడండి: Chakkara Pongal recipe: నోరూరించే చక్కెర పొంగళి
