ఎప్పుడు చికెన్, మటన్, ఫిష్ తినడమే కాదు అప్పుడప్పుడు రొయ్యలతోనూ వెరైటీలు ప్రయత్నించి చూడండి. దోసకాయతో దీని కాంబినేషన్ను ట్రై చేసేయండి. అలా చేసిన వంటకమే ఇది. ఇంకెందుకు ఆలస్యం గెట్ రెడీ..
కావాల్సిన పదార్థాలు
రొయ్యలు, దోసకాయ, దోసకాయ గింజలు, ఉల్లిపాయలు, పచ్చిమిర్చి, అల్లం వెల్లుల్లి పేస్ట్, ఉప్పు, పసుపు, కారం, ధనియా-జీలకర్ర పొడి, గరం మసాలా, జీడిపప్పు, కొత్తిమీర
తయారీ విధానం
ముందు స్టవ్ వెలిగించి, ఓ కడాయి పెట్టి అందులో నూనె పోసుకోవాలి. కొంచెం సేపు తర్వాత ఉల్లిపాయముక్కలు, పచ్చిమిర్చి వేసి వేగనివ్వాలి. ఆ తర్వాత రొయ్యలు వేసి బాగా కలపాలి. కొద్దిసేపటి తర్వాత అల్లం వెల్లుల్లి పేస్ట్, పసుపు వేసి బాగా కలపి, 5 నిమిషాల పాటు మూతపెట్టి మగ్గనివ్వాలి.
ఆ తర్వాత కొంతసేపటికి దోసకాయ ముక్కలు, టమాట ముక్కలు వేసి బాగా కలుపుకోవాలి. అనంతరం ఉప్పు, పసుపు వేసి బాగా మిక్స్ చేయాలి. కాస్త నీరు, జీడిపప్పు-దోస గింజల పేస్ట్ కలుపుకొని మూతపెట్టి బాగా మగ్గనివ్వాలి. చివరగా కొత్తిమీర వేసి బౌల్లోకి తీసుకుంటే సరి. ఎంతో రుచికరమైన 'దోసకాయ రొయ్యల కూర' రెడీ.
- " class="align-text-top noRightClick twitterSection" data="">
ఇవీ చదవండి:
