మండుటెండల నుంచి ఉపశమనం పొందడానికి ఎలాంటి ఆహారం తీసుకుంటే మంచిదని ఆలోచిస్తున్నారా... అయితే నిరభ్యంతరంగా కీరదోసను ఎంచుకోవచ్చు. ఎందుకంటే...
- కీరదోసలో విటమిన్‌-ఎ, సి, క్యాల్షియం, ఇనుము, జింక్‌, పొటాషియం, మెగ్నీషియం ఎక్కువ. దీంట్లోని యాంటీ ఆక్సిడెంట్లు గుండె ఆరోగ్యాన్ని కాపాడతాయి. అంతేకాదు జీవక్రియ సక్రమంగా సాగేందుకు తోడ్పడతాయి.
- దీంట్లో తొంభైశాతం నీరు ఉంటుంది. ఇది శరీరానికి వేడిని తట్టుకునే సామర్థ్యాన్ని అందిస్తుంది. కిడ్నీ, మూత్రాశయ సమస్యలు రాకుండా చేస్తుంది.
- శరీరంలో అవసరానికి మించి వేడి ఉంటే రక్తనాళాలు గట్టిపడే అవకాశం ఉంటుంది. రక్తసరఫరాలో అవాంతరాలు ఏర్పడి గుండెకు సంబంధిత వ్యాధులూ వచ్చే ప్రమాదముంటుంది. కీరాను తీసుకుంటే అలాంటి సమస్యల నుంచి బైటపడొచ్చు.
- రోజూ మధాహ్న భోజనానికి ముందు కీరాను తీసుకోవడం వల్ల తిన్న ఆహారం త్వరగా జీర్ణమవుతుంది. దీంట్లోని ఎంజైమ్‌లు ఆకలిని పెంచుతాయి.
- మధుమేహగ్రస్తులకూ ఇది మంచి ఆహారం. కీరాలో ఉండే విటమిన్‌-సి వల్ల రోగనిరోధక శక్తీ పెరుగుతుంది.
- కీరాను తీసుకోవడం వల్ల మలబద్ధక సమస్య ఉండదు. కొలెన్‌ క్యాన్సర్ రాకుండా కాపాడుతుందని కొన్ని అధ్యయనాలూ చెబుతున్నాయి.
- దీంట్లో నీరు, పీచు అధికంగా ఉండటం వల్ల బరువు తగ్గాలనుకునేవాళ్లు తరచూ తీసుకుంటే ఫలితం ఉంటుంది.
ఇదీ చదవండి: రాష్ట్రంలో 24 గంటల్లో వెయ్యి దాటిన కరోనా కేసులు
