ఈ మధ్య అరుణాచల్ప్రదేశ్ సీఎం పెమా ఖండూ మాత్రం అలాంటి మందీమార్బలం ఏమీ లేకుండానే జనజీవన స్రవంతికి దూరంగా ఉండే లగుతంగ్‌ అనే గ్రామానికి వెళ్లారు. అది ఖండూ నియోజకవర్గంలోని తవాంగ్‌ జిల్లాలో సముద్రమట్టానికి దాదాపు పదిహేనువేల అడుగుల ఎత్తులో ఓ కొండపై ఉంది.
దాదాపు పదకొండు గంటలపాటు 24 కిలోమీటర్లు నడుచుకుంటూనే ఆ కొండనెక్కి ప్రజల బాగోగులు తెలుసుకున్నారు ఖండూ. అక్కడ పదకొండు కుటుంబాల్లో కేవలం యాభై మంది మాత్రమే నివసిస్తారు. పదకొండేళ్ల క్రితం ఆ ప్రాంతంలోనే విమానం కుప్పకూలి ఖండూ తండ్రి మరణించారు. అందుకే అక్కడి ప్రజల్లో తన తండ్రిని చూసుకోవడానికి తరచూ వెళుతుంటారాయన.
