బోరు మోటర్​తో విద్యుదాఘాతం.. యువకుడు మృతి

రోజులాగే పొలానికి వెళ్లిన ఆ యువకుడిని.. కరెంటు రూపంలో మృత్యువు కబళించింది. కామారెడ్డి జిల్లాలోని జుక్కల్ మండలంలో ఈ ఘటన చోటుచేసుకుంది.

విద్యుదాఘాతంతో యువకుడు మృతి చెందిన ఘటన కామారెడ్డి జిల్లాలోని జుక్కల్ మండలం దోస్త్ పల్లి శివారులో చోటుచేసుకుంది. మృతుడు మారుతి (16) పంటకు సాగునీరు అందించేందుకు బోరు మోటర్​ను స్టార్ట్ చేస్తుండగా.. ప్రమాదం జరిగినట్లు గ్రామస్థులు పేర్కొన్నారు.

సమాచారం అందుకున్న పోలీసులు ఘటనా స్థలానికి చేరుకొని వివరాలు సేకరించారు. యువకుడి మరణంతో గ్రామంలో విషాదఛాయలు అలుముకున్నాయి.

ఇదీ చదవండి: వ్యవసాయ భూమిలో విద్యుదాఘాతం.. రైతు మృతి