ఓ యువతి ఇంటినుంచి అర్ధరాత్రి సమయంలో అదృశ్యమైన సంఘటన సికింద్రాబాద్లోని చిలకలగూడ పోలీస్ స్టేషన్ పరిధిలో చోటు చేసుకుంది. చిలకలగూడలోని శ్రీనివాస్ నగర్లో నివాసం ఉంటున్నయువతి అమీర్పేట డిగ్రీ మొదటి సంవత్సరం చదువుతున్నట్లు పోలీసులు తెలిపారు.
వాష్రూమ్కి అని చెప్పి..
ఇంటర్మీడియట్ చదువుతున్న సమయంలో లాలాపేటకు చెందిన నాగరాజు అనే విద్యార్థితో ఫోన్లో సంభాషిస్తూ చనువుగా ఉండేదని కుటుంబసభ్యులు ఫిర్యాదులో పేర్కొన్నారు. నిన్న రాత్రి ఇంట్లో నుంచి వెళ్తుండగా.. ఆమె అత్త గమనించి అడగ్గా.. వాష్రూమ్కి వెళ్తున్నట్లు చెప్పింది. తరువాత ఆమె ఎంతసేపటికి తిరిగి రాకపోటంతో చుట్టు పక్కల వెతికారు.
బంధువులు, స్నేహితుల ఇళ్లలో ఆరా తీసినప్పటికీ ఆమె ఆచూకీ లభించలేదు. వెంటనే విషయాన్ని పోలీసులకు సమాచారం అందించగా... పోలీసులు కేసు నమోదు చేసుకుని దర్యాప్తు ప్రారంభించారు.
ఇదీ చూడండి: భార్యను మర్డర్ చేసి.. ఆత్మహత్యగా చిత్రీకరించి..
