జయశంకర్ భూపాలపల్లి జిల్లా గణపురం మండలం చెల్పూర్ గ్రామంలో విషాదం చోటుచేసుకుంది. గ్రామంలో మూడేళ్లుగా ఓ అద్దె ఇంట్లో భార్య భర్తలు నీరటి రోజా, రాజ్ కుమార్ నివాసముంటున్నారు. రాజ్ కుమార్ జేసీబీ డ్రైవర్గా పనిచేశాడు. అయితే రోజాకు వేరే వ్యక్తితో వివాహేతర సంబంధం ఉందనే అనుమానంతో రోజు ఆమెను వేధించేవాడు. అంతే కాకుండా తనకు అదనపు కట్నం కావాలని, కట్నం ఇస్తేనే తన తల్లిదండ్రులతో మాట్లాడాలని ఇబ్బదులకు గురిచేసేవాడు.
ఈ నేపథ్యంలో రోజా.. సూసైడ్ నోట్ రాసి ఒంటిపై డీజిల్ పోసుకుని ఆత్మహత్యకు పాల్పడింది. మృతురాలిది వెంకటాపురం మండలం లక్ష్మీదేవిపేట కాగా వీరికి ఇద్దరు పిల్లలు ఉన్నారు. ఘటన స్థలికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.
ఇదీ చదవండి: ఆస్తి తగాదాల్లో అన్నను చంపిన తమ్ముడు
