నిత్యం తాగొచ్చి వేధిస్తున్నాడని కట్టుకున్న భర్తనే కడతేర్చింది ఓ ఇల్లాలు. కత్తితో భర్తను నరికి చంపింది. అనంతరం పోలీసులకు లొంగిపోయింది. ఈ దారుణ ఘటన నాగర్కర్నూల్ జిల్లాలో చోటుచేసుకుంది.
నాగర్ కర్నూల్ జిల్లా తిమ్మాజీపేట మండలం రాళ్లచెరువు తండాకు చెందిన శంకర్, లక్ష్మి దంపతులు. వ్యవసాయం చేసుకుంటూ జీవనం సాగిస్తున్నారు. ఈ క్రమంలో మద్యానికి బానిసైన శంకర్.. నిత్యం తాగొచ్చి భార్యను వేధింపులకు గురి చేసేవాడు. మద్యం మత్తులో సైకోలా ప్రవర్తించేవాడు.
ఆదివారం సైతం తాగొచ్చి వేధించడం వల్ల విసిగిపోయిన భార్య లక్షి శంకర్పై కత్తితో దాడి చేసింది. తల, మెడ, ముఖంపై నరికింది. తీవ్ర గాయాలైన శంకర్ అక్కడికక్కడే మృతి చెందాడు. అనంతరం నిందితురాలు ఉదయం తిమ్మాజీపేట పోలీస్ స్టేషన్లో లొంగిపోయింది. ఈ మేరకు కేసు నమోదు చేసుకున్న పోలీసులు దర్యాప్తు చేపట్టారు.
