గుర్తు తెలియని మహిళ యాసిడ్‌ తాగిందన్న సమాచారంతో హైదరాబాద్‌లోని మీర్‌పేట్‌ పోలీసులు స్పందించారు. సంఘటనా స్థలానికి చేరుకుని అపస్మారక స్థితిలో ఉన్న ఆమెను వెంటనే ఓ ప్రైవేటు ఆస్పత్రికి తరలించారు. మహిళ పరిస్థితి విషమంగా ఉందని వైద్యులు తెలపగా.. మెరుగైన చికిత్స కోసం ఉస్మానియా ఆస్పత్రికి తరలించారు.
బడంగ్‌పేట్‌లోని రోమా ఎన్‌క్లేవ్‌లో 55 ఏళ్ల మహిళ యాసిడ్‌ తాగిందని స్థానికులు 100కు డయల్‌చేసి సమాచారమిచ్చారు. అయితే భర్త వేధింపులు తాళలేక యాసిడ్‌ తాగినట్లు బాధితురాలు ఇచ్చిన సమాచారంతో పోలీసులు దర్యాప్తు కొనసాగిస్తున్నారు. మహిళకు సంబంధించిన పూర్తి వివరాలు ఇంకా తెలియాల్సి ఉంది.
