సిద్దిపేట జిల్లా రాయపోల్ మండలం చిన్న మాసన్పల్లి స్టేజి సమీపంలో రోడ్డు ప్రమాదం జరిగింది. ఎదురెదురుగా వచ్చిన రెండు ద్విచక్ర వాహనాలు ఢీకొన్న ఘటనలో ఒకరు మృతి చెందగా మరొకరికి తీవ్ర గాయాలయ్యాయి. దౌల్తాబాద్ మండలం తిరుమలాపూర్కు చెందిన ఎరుకలి పోశయ్య... ద్విచక్రవాహనంపై గజ్వేల్కు వెళ్తుండగా, గజ్వేల్ నుంచి వస్తున్న మరో వాహనం పోశయ్యను ఢీకొట్టింది.
ఈ ఘటనలో పోశయ్య ప్రమాదస్థలిలోనే మృతి చెందాడు. సమాచారం అందుకున్న రాయపోల్ పోలీసులు ఘటనాస్థలికి చేరుకుని మృతదేహాన్ని పోస్టుమార్టం నిమిత్తం గజ్వేల్ ప్రభుత్వాసుపత్రికి తరలించారు. మృతుని కుటుంబ సభ్యుల ఫిర్యాదుతో కేసు నమోదు చేసుకుని దర్యాప్తు చేపట్టారు.
