నల్గొండ జిల్లా కేంద్రంలోని ఎంఏ బేగ్ ఫంక్షన్ వెనకాల గుర్తుతెలియని ఇద్దరు వ్యక్తుల మృతదేహాలు లభించాయి. అటుగా వెళ్తున్న స్థానికులు గమనించి పోలీసులకు సమాచారం అందించారు. ఘటనాస్థలికి చేరుకున్న పోలీసులు బండరాళ్లతో మోది ఆ ఇద్దర్ని హత్య చేసినట్లు గుర్తించారు. వారి పక్కనే మద్యం సీసాలు ఉన్నట్లు గుర్తించామని డీఎస్పీ వెంకటేశ్వర్ రెడ్డి తెలిపారు.
మృతుల వయస్సు 28-30 మధ్య ఉన్నట్లుగా పోలీసులు భావిస్తున్నారు. వీరు వేరే ప్రాంతానికి చెందిన వ్యక్తులుగా గుర్తించారు. డాగ్ స్క్వాడ్, క్లూస్ టీం సాయంతో దర్యాప్తు చేస్తున్నట్లు డీఎస్పీ వెల్లడించారు. హత్య అర్ధరాత్రి సమయంలో జరిగినట్లుగా అనుమానిస్తున్నారు.
ఇదీ చదవండి : అమందా కవిత.. అక్కడ మారుమోగింది!
