వివాహవేడుకకు వెళ్లిన ఇద్దరు స్నేహితులు రోడ్డు ప్రమాదంలో మృతిచెందారు. ఖమ్మం జిల్లా కామేపల్లి మండలం పొన్నెకల్లు సమీపంలోని బుగ్గవాగు వద్ద బైకు అదుపుతప్పి రహదారి పక్కనున్న చెట్టును ఢీకొట్టింది. ఈ ఘటనలో వారికి తీవ్ర గాయాలయ్యాయి. క్షతగాత్రులను ఖమ్మం ప్రభుత్వ ఆస్పత్రికి తరలిస్తుండగా మార్గమధ్యలోనే మృతిచెందారు.
మృతులు పండితాపురం గ్రామానికి చెందిన అరిపిన్ని వెంకటేశ్(23), కానుగల సాయి(22)గా పోలీసులు గుర్తించారు. మహబూబాబాద్లోని శుభకార్యానికి వెళ్లి వస్తుండగా ప్రమాదం జరిగింది. నూతన ఏడాది మొదటి రోజే ఇద్దరు యువకులు మృతి చెందడంతో వారి స్వగ్రామంలో విషాదఛాయలు అలుముకున్నాయి.
