రెండు ద్విచక్రవాహనాలు ఢీ... బాలుడు మృతి

రెండు ద్విచక్రవాహనాలు ఢీకొని ఓ బాలుడు మృతి చెందిన విషాద ఘటన యాదాద్రి భువనగిరి జిల్లా వలిగొండ పట్టణ శివారులో చోటుచేసుకుంది. మరొకరికి తీవ్రగాయాలు కాగా ఆస్పత్రికి తరలించారు. వలిగొండ పోలీసులు కేసు నమోదు చేసుకుని దర్యాప్తు చేపట్టారు.

యాదాద్రి భువనగిరి జిల్లా వలిగొండ పట్టణ శివారులోని మల్లేపల్లి గ్రామ సమీపంలో రెండు ద్విచక్ర వాహనాలు ఢీకొని ఒకరు మృతి చెందారు. ప్రమాదంలో మరొకరికి తీవ్రగాయాలయ్యాయి. మృతుడు వలిగొండకు చెందిన రాహుల్ అనే బాలుడిగా పోలీసులు గుర్తించారు. మృతదేహాన్ని శవపరీక్ష నిమిత్తం రామన్నపేట ఏరియా ఆసుపత్రికి తరలించారు. గాయపడ్డ యువకుడు వెల్వర్తి గ్రామానికి చెందిన దశరథగా గుర్తించారు. అతడిని చికిత్స నిమిత్తం 108 వాహనంలో భువనగిరి జిల్లా కేంద్ర ఆసుపత్రికి తరలించారు.

ప్రమాదంలో మృతిచెందిన బాలుడి తల్లిదండ్రులు బతుకుదెరువు కోసం ఆంధ్రప్రదేశ్​లోని బాపట్ల నుంచి కూలీ పనుల కోసం వలిగొండకు వలస వచ్చినట్లు తెలుస్తోంది. గత సంవత్సర కాలంగా వారు ఇక్కడే నివసిస్తున్నారు. వలిగొండ పోలీసులు కేసు నమోదు చేసుకొని దర్యాప్తు జరుపుతున్నారు.

ఇవీ చూడండి: నెలుట్ల వద్ద ఆటో బోల్తా- మహిళ మృతి