అరెస్ట్ చేయించింది... విడుదలయ్యాక మళ్లీ క్లోజ్​గా ఉంది

బుల్లితెర నటి శ్రావణి ఆత్మహత్య కేసులో దేవరాజ్​ను పోలీసులు రెండో రోజు విచారణ చేస్తున్నారు. నిన్నటి నుంచి ఎస్సార్ నగర్​ పీఎస్​లోనే విచారణ కొనసాగుతోంది. విచారణలో భాగంగా కొత్త విషయాలు వెలుగులోకి వస్తున్నాయి.

బుల్లితెర నటి శ్రావణి ఆత్మహత్య కేసు రోజురోజుకు మలుపు తిరుగుతోంది. విచారణలో కొత్త విషయాలు బయటపడుతున్నాయి. గతంలో ఎస్సార్ నగర్‌ పోలీస్ స్టేషన్​లో దేవరాజ్‌పై శ్రావణి ఫిర్యాదు చేయగా అతనిని పోలీసులు అరెస్టు చేశారు. తర్వాత బైయిల్​పై విడుదలయ్యాడు.

అనంతరం శ్రావణి దేవరాజ్​ను కలిసింది. అతనితో కలిసి సెల్ఫీ వీడియో తీసుకుంది. ఆ విషయం కుటుంబ సభ్యులకు తెలియకుండా ఇద్దరు జాగ్రత్తపడ్డారు. మళ్లీ సాన్నిహిత్యంగా మెలిగారు. శ్రావణి ఆత్మహత్య చేసుకునే రెండు రోజుల ముందు శ్రీ కన్యలో ఇద్దరు కలిశారు. అదే సమయంలో అక్కడికి వచ్చిన సాయి రెడ్డికి దేవరాజ్​కు మాటమాట పెరిగి... ఇద్దరు గొడవపడినట్లు విచారణలో తేలింది.

ఇదీ చూడండి: కుటుంబసభ్యులే వేధిస్తున్నారని చెప్పింది: దేవరాజ్​