హైదరాబాద్ పాతబస్తీలోని ఓ ఇంట్లో దోపిడి దొంగలు చోరీకి పాల్పడ్డారు. చంద్రాయణగుట్ట పోలీస్స్టేషన్ పరిధిలోని జహంగీరాబాద్ ప్రాంతానికి చెందిన సయ్యద్ హుస్సేన్ పెళ్లి చేసుకునేందుకు లాతుర్ వెళ్లాడు. ఇంటికి తిరిగి వచ్చేసరికి సామానులు చెల్లాచెదురుగా పడి ఉండడంతో వెంటనే పోలీసులకు ఫిర్యాదు చేశాడు.
ఇంట్లో ఉన్న ఐదు వేల రూపాయల నగదు, 8 గ్రాముల బంగారు చోరీకి గురైనట్లు బాధితుడు పోలీసులకు వెల్లడించాడు. ఇంటి పైకప్పు రేకు తొలగించి దొంగలు లోపలికి ప్రవేశించినట్లు పోలీసులు నిర్ధారించారు. కేసు నమోదు చేసుకున్న పోలీసులు క్లూస్ టీం రప్పించి ఆధారాలు సేకరిస్తున్నారు.
