మెదక్ జిల్లా నిజాంపేట మండలం నస్కల్ గ్రామానికి చెందిన కుమ్మరి స్వామి(40) అనుమానాస్పద స్థితిలో మృతి చెందాడు. సంఘటన స్థలానికి చేరుకున్న పోలీసులు జాగీలాలతో ఆధారాలు సేకరించారు. మృతుని భార్య గొడవపడి ఏడేళ్లుగా అతనికి దూరంగా ఉంటోంది. అతను మద్యానికి బానిసై రోజు కుటుంబసభ్యులతో గొడవపడేవాడని పోలీసులు వెల్లడించారు.
కొద్ది రోజులుగా అతని తండ్రితో వివాదం వల్ల ఘర్షణ పడేవారని పోలీసులు తెలిపారు. మృతుని తండ్రి కల్వకుంటలోని తన కూతురి వద్దకు వెళ్లాడు. అక్కడి నుంచి గ్రామస్థులకు ఫోన్ చేసి తన కుమారుడు ఎలా ఉన్నాడో చూసి రమ్మని ఆరా తీశాడు. సమాచారం అతనికి ఎలా తెలిసిందన్న కోణంలో పోలీసులు దర్యాప్తు చేస్తున్నారు.
