కామారెడ్డి జిల్లా శాబ్దిపూర్ గ్రామ శివారులో దారుణం జరిగింది. మద్యం బాటిళ్లతో కొట్టి ఓ యువకుడిని హత్యే చేశారు గుర్తుతెలియని కిరాతకులు. పట్టణంలోని గోసంగి కాలనీకి చెందిన అల్లం ప్రభుదాస్(22) నిన్న సాయంత్రం సైకిల్పై ఇంటినుంచి బయటకు వెళ్లాడు. రాత్రి ఇంటికి రాకపోయేసరికి కుటుంబసభ్యులు చాలాచోట్ల వెతికినా ఆచూకీ లభించలేదు.
రామేశ్వర్పల్లి తాండకు చెందిన గొర్లకాపరి శాబ్దిపూర్ గ్రామ శివారులో గుర్తు తెలియని వ్యక్తి మృతదేహం ఉన్నట్లు పోలీసులకు సమాచారమిచ్చాడు. ఘటన స్థలానికి చేరుకున్న పోలీసుల క్లూస్ టీం వివరాలు సేకరించింది. మరికొందరితో కలిసి మద్యం సేవిస్తుండగా బాటిళ్లతో కొట్టి హత్య చేసి ఉంటారని పోలీసులు అనుమానం వ్యక్తం చేశారు. మృతుడు వెంట తెచ్చుకున్న సైకిల్ కనపడటం లేదని తెలిపారు. కేసు నమోదు చేసుకుని దర్యాప్తు చేస్తున్నట్లు సీఐ చంద్రశేఖర్రెడ్డి వెల్లడించారు.
