అ.ని.శా. వలలో చిక్కిన షాబాద్‌ సీఐ, ఏఎస్‌ఐ

లంచం డిమాండ్‌ చేస్తూ మరో అధికారి అవినీతి నిరోధక శాఖ అధికారులకు చిక్కాడు. భూవివాదానికి సంబంధించి.. రంగారెడ్డి జిల్లా షాబాద్‌ సీఐ శంకరయ్య.. లక్ష 20వేలు లంచం తీసుకుంటుండగా ఏసీబీకి చిక్కాడు. ఓ భూవివాదం కేసులో సీఐ శంకరయ్యతోపాటు ఏఎస్‌ఐ... లంచం డిమాండ్‌ చేశారు. లంచం తీసుకుంటుండగా అనిశా అధికారులు పట్టుకున్నారు. అనంతరం షాబాద్‌ పోలీస్‌స్టేషన్‌లో సోదాలు నిర్వహించారు. గతంలో షాద్‌నగర్‌, దుండిగల్‌లో పనిచేసినప్పుడు కూడా శంకరయ్య పలు ఆరోపణలు ఎదుర్కొన్నారు.