హైదరాబాద్లోని కుల్సుంపురా పోలీస్ స్టేషన్ పరిధిలో టాస్క్ఫోర్స్ పోలీసులు క్రికెట్ బెట్టింగ్ నిర్వహిస్తున్న ముఠాపై దాడులు చేశారు. టాస్క్ఫోర్స్ డిప్యూటి కమిషనరర్ రాధాకృష్ణ రావు పర్యవేక్షణలో టాస్క్ఫోర్స్ ఎస్సై గట్టుమల్లు, వెస్ట్ జోన్ ఎస్సై రంజిత్ కుమార్, మల్లిఖార్జున్, ముజాఫర్ అలీ తదితర సిబ్బంది దాడుల్లో పాల్గొన్నారు.
ఈ దాడుల్లో ముఠాలోని ఇద్దరు సభ్యులను అదుపులోకి తీసుకున్నట్టు తెలిపారు. నిందితుల్లో ఒకరు ఆకాష్, మరొకరు వినయ్ సింగ్. ఆకాష్ కార్వాషింగ్ సెంటర్లో పనిచేస్తుండగా.. వినయ్ సింగ్ సర్వీసింగ్ సెంటర్ నిర్వహిస్తున్నాడు. మరికొందరితో కలిసి వీరు క్రికెట్ బెట్టింగ్ నిర్వహిస్తుండగా రెడ్హ్యాండెడ్గా పట్టుకున్న పోలీసులు.. వీరి వద్ద నుంచి రూ.1 లక్షా 20 వేల నగదు, నాలుగు మొబైల్స్ స్వాధీనం చేసుకున్నట్టు తెలిపారు. విచారణ నిమిత్తం నిందితులను కుల్సుంపురా పోలీసులకు అప్పగించారు.
ఇవీ చూడండి: 'సంక్షోభాన్ని ఎలా ఎదుర్కోకూడదో చూపిస్తున్న కేంద్రం'
