మొరం ట్రాక్టర్ల పట్టివేత.. జేసీబీ స్వాధీనం

బెల్లంపల్లి పట్టణంలో అక్రమంగా మొరం తరలిస్తున్న ట్రాక్టర్లను పోలీసులు స్వాధీనం చేసుకున్నారు. 9మందిని అదుపులోకి తీసుకున్నారు. ప్రభుత్వ భూముల నుంచి మొరం తరలిస్తే కఠిన చర్యలు తప్పవని పోలీసులు హెచ్చరించారు.

మంచిర్యాల జిల్లా బెల్లంపల్లి పట్టణంలో అక్రమంగా మొరం తరలిస్తున్న ట్రాక్టర్లను రామగుండం టాస్క్ ఫోర్స్ పోలీసులు పట్టుకున్నారు. పట్టణంలోని పాలిటెక్నిక్ కళాశాల సమీపంలో ప్రభుత్వ భూమి నుంచి అక్రమంగా తరలిస్తున్నారనే సమాచారంతో పోలీసులు అప్రమత్తమై... శుక్రవారం అర్ధరాత్రి 8 టాక్టర్లతో పాటు జేసీబీని స్వాధీనం చేసుకున్నారు.

ఈ ఘటనలో భాగంగా తొమ్మిది మందిని అదుపులోకి తీసుకున్నారు. ప్రభుత్వ భూముల నుంచి మొరాన్ని తరలిస్తే కేసులు తప్పవని టాస్క్ ఫోర్స్ సీఐ కిరణ్ హెచ్చరించారు.

ఇదీ చదవండి: కార్మికుడిని ఢీకొన్న కంటైనర్... తీవ్ర గాయాలు