నారాయణపేట జిల్లా మక్తల్ మండలం గుడిగండ్ల వద్ద ఘోర రోడ్డు ప్రమాదం జరిగింది. హైదరాబాద్ నుంచి రాయచూర్ వైపు వెళ్తున్న కారు అదుపు తప్పి బోల్తా పడింది. ఈ ప్రమాదంలో నలుగురు అక్కడికక్కడే మృత్యువాత పడ్డారు. మృతుల్లో ముగ్గురు మహిళలు ఉన్నారు. ప్రమాదం జరిగిన సమయంలో ఆరుగురు కారులో ప్రయాణిస్తుండగా.. మూడేళ్ల బాలుడు సురక్షితంగా బయటపడ్డాడు. మరొకరి పరిస్థితి విషమంగా ఉండడంతో మహబూబ్నగర్ ప్రభుత్వాసుపత్రికి తరలించారు.
హైదరాబాద్ బడంగ్పేటకు చెందిన ఒకే కుటుంబానికి చెందిన ఆరుగురు చికిత్స నిమిత్తం రాయచూర్ వెళ్తుండగా ఈ ప్రమాదం జరిగింది. మృతి చెందిన వారిలో ఎల్లయ్య, గోవిందమ్మ, రాధిక, శారద ఉండగా.. డ్రైవర్ వినోద్ ప్రస్తుతం ఆస్పత్రిలో చికిత్స పొందుతున్నారు. బాలుడు శర్విక్ పోలీసుల సంరక్షణలో ఉన్నాడు. ప్రమాదానికి గల కారణాలు తెలియలేదు. ఎడమవైపున ఉన్న గుంతను తప్పించేందుకు కుడివైపునకు కారు తిప్పగా.. పల్టీలు కొట్టి ప్రమాదం జరిగినట్లుగా పోలీసులు ప్రాథమికంగా అంచనా వేస్తున్నారు.
ఇదీ చదవండి: మద్యం దుకాణాల్లో తనిఖీలు.. ఒకరి అరెస్ట్
