పొన్నారి సమీపంలో రోడ్డు ప్రమాదం.. ఇద్దరు మృతి

తాంసి మండలం పొన్నారి సమీపంలో రోడ్డు ప్రమాదం జరిగింది. ద్విచక్ర వాహనంపై వెళ్తున్న వారిని టిప్పర్ ఢీకొట్టగా ఇద్దరు మృతి చెందారు. మరోకరికి తీవ్రగాయాలయ్యాయి. ప్రమాదం జరగిన వెంటనే టిప్పర్​ డ్రైవర్​ పరారయ్యాడు.

ఆదిలాబాద్‌ జిల్లా తాంసి మండలం పొన్నారి సమీపంలో రోడ్డు ప్రమాదం జరిగింది. ఇద్దరు అక్కడికక్కడే మృతిచెందగా మరొకరు తీవ్రంగా గాయపడ్డారు. మహారాష్ట్రలోని సాయిపల్​కు చెందిన రామన్న, నరేష్‌తో పాటు రామన్న తమ్ముడి కొడుకైన సంతోష్‌(9) బైక్​పై ఆదిలాబాద్‌ వచ్చారు. సాయంత్రం తిరుగు ప్రయాణంలో పొన్నారి గ్రామశివారులో టిప్పర్‌ ఢీకొంది.

ఈ ఘటనలో అక్కడిక్కడే రామన్న, సంతోష్‌ మృతిచెందగా నరేశ్​కు తీవ్రగాయాలయ్యాయి. ప్రమాదం జరగ్గానే టిప్పర్‌ డ్రైవర్‌ పరారయ్యాడు. గ్రామీణ పోలీసులు కేసునమోదు చేసి దర్యాప్తు చేపట్టారు.

ఇవీ చూడండి: బెదిరించాడు... లొంగదీసుకున్నాడు