ద్విచక్ర వాహనాన్ని ఢీకొన్న లారీ.. ఒకరు మృతి..

ద్విచక్ర వాహనాన్ని లారీ ఢీకొన్న ఘటన ఖమ్మం జిల్లా వైరా మండలం పినపాకలో జరిగింది. ఈ ప్రమాదంలో ఒకరు మృతి చెందారు. కేసు నమోదు చేసుకున్న పోలీసులు విచారణ జరుపుతున్నారు.

ఖమ్మం జిల్లా వైరా మండలం పినపాక వద్ద ద్విచక్ర వాహనాన్ని లారీ ఢీకొని ఓ వ్యక్తి మృతి చెందాడు. వైరా మండలం అష్ణగుర్తి గ్రామానికి చెందిన చిత్తారు శ్రీను అదే మండలం గౌండ్లపాలెంలో పాడిగేదెను కొనుగోలు చేసేందుకు వెళ్లాడు. బేరం పూర్తయిన తర్వాత పినపాకలో బంధువుల ఇంటికి వెళ్లాడు. అదే సమయంలో బంధువుల ఇంట్లో ఉన్న గాయత్రీ అనే యువతి ఫోన్‌ రీచార్జ్‌ కార్డు కావాలనడంతో ఆమెను తీసుకుని కూడలికి వెళ్లాడు.