హైదరాబాద్ జూబ్లీహిల్స్ పోలీస్ స్టేషన్ పరిధిలో రోడ్డు ప్రమాదం చోటుచేసుకుంది. రోడ్ నెంబర్ 82లో టీఎస్07జీటీ 2157 డస్టర్ కార్ డివైడర్ను ఢీకొట్టి బోల్తా పడింది. ప్రమాద సమయంలో కారులో ఉన్న ఇద్దరు యువకులు ప్రాణాలతో బయటపడ్డారు.
కారు వేగం అదుపు తప్పడం వల్ల ఈ ప్రమాదం చోటుచేసుకున్నట్లు పోలీసులు భావిస్తున్నారు. జూబ్లీ హిల్స్ పోలీసులు ఇద్దరు యువకులను అదుపులోకి తీసుకున్నారు. మద్యం సేవించి వాహనాన్ని నడిపారా లేదా కారు స్పీడ్ కంట్రోల్ కాకపోవడం వల్లే ఈ ఘటన జరిగిందా అనే కోణంలో విచారణ జరుపుతున్నారు. ట్రాఫిక్ క్రేన్ సహాయంతో కార్ను పోలీసులు తొలగించారు.
