ద్విచక్ర వాహనాన్ని ఢీకొన్న వ్యాన్​.. ఇద్దరు మృతి..

వ్యాన్​ ద్విచక్రవాహనాన్ని ఢీకొన్న ఘటన రంగారెడ్డి జిల్లా శంషాబాద్​ మండలం గండిగూడాలో జరిగింది. ఈ ప్రమాదంలో ఇద్దరు మృతి చెందారు. కేసు నమోదు చేసుకున్న పోలీసులు విచారణ చేపట్టారు.

హైదరాబాద్, బెంగుళూరు జాతీయ రహదారిపై ఘోర రోడ్డు ప్రమాదం చోటుచేసుకుంది. రంగారెడ్డి జిల్లా శంషాబాద్ మండలంలోని గండిగూడా వద్ద డీసీఎం ద్విచక్ర వాహనాన్ని ఢీకొట్టింది. ఈ ప్రమాదంలో ద్విచక్ర వాహనంపై ఉన్న ఇద్దరు అక్కడికక్కడే మృతి చెందారు. మృతుల వివరాలు తెలియాల్సి ఉంది.

ప్రమాదంతో జాతీయ రహదారిపై భారీగా ట్రాఫిక్​ జామ్​ అయింది. కేసు నమోదు చేసుకున్న పోలీసులు విచారణ చేపట్టారు. అతివేగమే ప్రమాదానికి కారణమని స్థానికులు చెబుతున్నారు.

ఇదీ చదవండి: పరువు హత్య.. అల్లుణ్ని చంపించిన మామ