మాదాపూర్ అయ్యప్ప సొసైటీకి చెందిన రఘు అనే స్థిరాస్తి వ్యాపారి... హైదరాబాద్‌లోనేగాక నగరశివారు ప్రాంతాల్లో స్థలాలు, అపార్ట్‌మెంట్‌లో ప్లాట్లు ఇప్పిస్తామంటూ నమ్మించి మోసం చేశాడని బాధితులు ఆరోపించారు. అలా నమ్మించి పలువురి వద్ద నుంచి రూ.10 నుంచి 35 లక్షల వరకు వసూలు చేశాడని, మరికొందరికి అధిక వడ్డీ ఇస్తానంటూ మాయమాటలు చెప్పి వారి నుంచి రూ. లక్షల రూపాయలు వసూలు చేశాడని తెలిపారు.
పెట్టుబడికి వడ్డీ రాక, స్థలాలు రిజిస్ట్రేషన్ అవకపోవడంతో ఆర్థింగా నష్టాల్లో కూరుకుపోయిన బాధితులు స్థిరాస్తి వ్యాపారి కంపెనీ చుట్టూ పలుమార్లు తిరిగిన ఫలితం లేదన్నారు. కొన్ని నెలలుగా ఆ వ్యాపారి కనిపించగుండా తీరుగుతున్నాడని పేర్కొన్నారు. తీవ్రంగా నష్టపోయిన మేము ఏం చేయలేని పరిస్థితిలో పోలీసులను ఆశ్రయించామని బాధితులు వాపోయారు.
ఇదీ చూడండి: పాఠశాలల ప్రారంభంపై ఇంకా నిర్ణయం తీసుకోలేదు: విద్యాశాఖ
