పొలంలో పని చేస్తున్న మహిళపై అత్యాచార యత్నం

పొలంలో పని చేస్తున్న మహిళపై ఓ వ్యక్తి అత్యాచారానికి యత్నించిన సంఘటన వికారాబాద్ జిల్లా పరిగి మండలం రాపోలు గ్రామంలో చోటుచేసుకుంది. మహిళ అరుపులతో అక్కడికి వచ్చిన గ్రామస్థులు ఆమెను కాపాడారు.

వికారాబాద్ జిల్లా పరిగి మండలం రాపోలు గ్రామంలో పొలం పనులు చేస్తున్న ఓ మహిళ(48)పై బిహార్​కు చెందిన అభిరామ్​ అనే వ్యక్తి అత్యాచారానికి యత్నించాడు. సదరు మహిళ గట్టిగా కేకలు వేయడం వల్ల పక్క పొలాల్లో ఉన్న గ్రామస్థులు వచ్చి మహిళను కాపాడారు. అత్యాచారానికి యత్నించిన అభిరామ్​కు గ్రామస్థులు దేహశుద్ధి చేసి పోలీసులకు అప్పగించారు.

నిందితుడు గ్రామ సమీపంలోని ఐరన్​ ఫ్యాక్టరీలో పనిచేసే వ్యక్తిగా పోలీసులు గుర్తించారు. ఆ ఫ్యాక్టరీలో పనిచేసే వ్యక్తులు గతంలోనూ తమ ఊరి మహిళల పట్ల అసభ్యంగా ప్రవర్తించారని రాపోలు గ్రామస్థులు పోలీసులకు ఫిర్యాదు చేశారు.

• ఇదీచూడండి:నిజామాబాద్‌లో 3 మొక్కలు నాటిన కలెక్టర్‌