జయశంకర్ భూపాలపల్లి జిల్లా మహదేవపూర్ మండలం బొమ్మపూర్ మూలమలుపు వద్ద పోలీసులు వాహన తనిఖీలు నిర్వహిస్తుండగా... శ్రీపతి కళ్యాణ్ అనే వ్యక్తి బైక్తో తారస పడ్డాడు. హీరో ఫ్యాషన్ ప్లస్ వాహనంకు సంబంధించిన సరైన పత్రాలు లేకపోవడం వల్ల అతన్ని అదుపులోకి తీసుకుని విచారించారు. అతని స్నేహితుడు దుర్గం సురేష్లతో కలిసి మహాదేవపూర్, భూపాలపల్లి, చెల్పూర్, మంథని, మంచిర్యాల, కరీంనగర్, ఆత్మకూరు, సూరారం, లెంకలగడ్డ ప్రాంతాల్లో చోరీలు చేసినట్లు విచారణలో తేలింది. ఈ సమాచారంతో మహాదేవపూర్ మండల పెద్దంపేటకు చెందిన దుర్గం సురేష్ ఇంటికి వెళ్లి తనిఖీలు చేయగా 16 ద్విచక్ర వాహనాలు ఉన్నాయి. వాటిని స్వాధీనం చేసుకుని నిందితులను రిమాండ్కు తరలించారు.
దొంగల అరెస్ట్... 16బైకులు స్వాధీనం...
ఇవీ చూడండి: భాజపాలో 'నెం-2' అమిత్ షా యేనా?
