వరంగల్ గ్రామీణ జిల్లా సంగెం మండలం గవిచర్లలో జరిగిన కిడ్నాప్ కథ సుఖాంతం అయింది.అదే గ్రామానికి భాషిపాక శివ(25), కంజర్ల రూపలక్ష్మి(23) గత నెల 29న ప్రేమ వివాహం చేసుకున్నారు.ఈ పెళ్లి ఇష్టం లేని యువతి తల్లితండ్రులు భర్త కుటుంబంపై కారం పొడితో దాడి చేసి ఆమెను అపహరించారు.
భర్త శివ ఫిర్యాదుతో రంగంలోకి దిగిన పోలీసులు రూపలక్ష్మి కొత్తగూడెంలో ఉన్నట్లు గుర్తించారు. ఆమెను క్షేమంగా తీసుకొచ్చి భర్తకు అప్పగించారు. కిడ్నాప్కు పాల్పడిన 12 మంది నిందితులను అదుపులోకి తీసుకున్నారు. కేసును ఒక్కరోజులోనే చేధించిన ఎస్సై సురేష్ను అధికారులు అభినందించారు.
