కరోనా వ్యాధి సోకిందనే అనుమానంతో ఓ వ్యక్తి మూడు రోజుల కిందట పురుగుల మందు తాగి ఆత్మహత్యాయత్నం చేసి చికిత్స పొందుతూ మృతి చెందిన సంఘటన సిద్దిపేట జిల్లా గజ్వేల్ మండలం జాలిగామలో చోటుచేసుకుంది. సిద్దిపేట జిల్లా గజ్వేల్ మండలం జాలిగామ గ్రామానికి చెందిన 32 సంవత్సరాల ఓ వ్యక్తి తనకు కరోనా వ్యాధి వచ్చిందనే అనుమానంతో భయాందోళనకు గురయ్యాడు. మూడు రోజుల కిందట పురుగుల మందు తాగి ఆత్మహత్యాయత్నం చేసుకున్నాడు.
హైదరాబాదులోని ఓ ప్రైవేట్ ఆస్పత్రిలో చికిత్స పొందుతూ సోమవారం రాత్రి మృతి చెందాడు. మృతదేహానికి కరోనా పరీక్షలు నిర్వహించడం వల్ల కొవిడ్ పాజిటివ్గా తేలింది. మృతదేహాన్ని స్వగ్రామంలో పారిశుద్ధ్య కార్మికులు, అతని కుటుంబ సభ్యులతో కలిసి అంత్యక్రియలు నిర్వహించారు. కరోనా సోకిన వ్యక్తి మృతదేహానికి అంత్యక్రియలు నిర్వహించిన పారిశుద్ధ్య కార్మికులను పలువురు అభినందించారు.
ఇవీ చూడండి: భార్యకు కరోనా.. గుండెపోటుతో భర్త మృతి
