రంగారెడ్డి జిల్లా యాచారం మండలంలో అనుమానాస్పద స్థితిలో తిరుగుతున్న సబావత్ పాండు అనే దొంగను ఎల్బీనగర్ పోలీసులు అరెస్ట్ చేశారు. ఈ ముఠాలోని మరో ముగ్గురు దొంగలు పరారీలో ఉన్నట్లు ఎల్బీనగర్ డీసీపీ సన్ప్రీత్ సింగ్ తెలిపారు. వారిలో నిందితుడి భార్య కూడా ఉండడం గమనార్హం. నిందితుడి వద్ద నుంచి 23 తులాల బంగారం, 35 తులాల వెండి, రూ. 30వేల నగదు, ఒక టీవీ స్వాధీనం చేసుకున్నారు. వీటి విలువ రూ. 12 లక్షల 45 వేల ఉంటుందని పోలీసులు పేర్కొన్నారు.
పీడీ యాక్ట్ నమోదు..
నిందితుడిపై యాచారం, కందుకూరు, కంచాన్బాగ్ పోలీస్ స్టేషన్లలో పలు కేసు నమోదు చేసినట్లు డీసీపీ పేర్కొన్నారు. ఎన్నిసార్లు హెచ్చరించినా మార్పు రాకపోవటంతో.. పీడీ యాక్ట్ నమోదు చేసినట్లు తెలిపారు.
ఇదీ చూడండి: కరోనా కాలంలోనూ అదరగొట్టిన రైల్వే!
