నల్గొండ జిల్లా దామరచర్ల మండలం బొత్తలపాలెంలో పెద్దఎత్తున గుట్కా పట్టుబడింది. గ్రామంలో పోలీసులు ఆకస్మిక తనిఖీలు నిర్వహించారు. రాయల ప్రవీణ్.. షేక్ షరీఫ్ సాయంతో సుమారు లక్ష రూపాయలు విలువ చేసే నిషేధిత గుట్కాను ఆటోలో తరలించేందుకు ప్రయత్నిస్తుండగా పోలీసులు పట్టుకున్నారు.
లక్ష రూపాయలు విలవచేసే గుట్కాను, ఓ ఆటో, ఓ కారును పోలీసులు స్వాధీనం చేసుకున్నారు. ఇద్దరు నిందితులను అరెస్టు చేశారు. కేసు నమోదు చేసుకొని దర్యాప్తు చేస్తున్నారు. నిషేధిత గుట్కాను అమ్ముతున్న, తరలిస్తున్న వారిపై కఠిన చర్యలు తీసుకుంటామని పోలీసులు హెచ్చరించారు.
