స్కూటీని తప్పించబోయి ఆటోకు ఢీ.. యువకుడు మృతి

ద్విచక్ర వాహనంపై అతివేగంతో వస్తున్న ఇద్దరు యువకులు.. ఎదురుగా వస్తున్న స్కూటీని తప్పించబోయి ప్రమాదానికి గురయ్యారు. ఈ ఘటనలో ఓ యువకుడు అక్కడికక్కడే మరణించగా... మరో యువకుడి పరిస్థితి విషమంగా ఉంది.

హైదరాబాద్ పాతబస్తీ షాలిబండ ప్రాంతంలో ఘోర రోడ్డు ప్రమాదం సంభవించింది. ఇద్దరు యువకులు స్కూటీపై వస్తూ... ఎదురుగా వస్తున్న వాహనాన్ని చూసి ఒక్కసారిగా బ్రేక్​ వేశారు. ఈ క్రమంలో వాహనం కింద పడగా... అదే సమయంలో ఎదురుగా వచ్చిన ఆటో వెనుకభాగం ద్విచక్ర వాహనాన్ని ఢీకొంది.

ఈ ప్రమాదంలో ఓ యువకుడు తీవ్రంగా గాయపడి అక్కడికక్కడే మృతి చెందగా... మరొకరికి ఆస్పత్రిలో చికిత్స అందిస్తున్నారు. పోలీసులు కేసు నమోదు చేసి.. దర్యాప్తు చేస్తున్నారు. ఈ ప్రమాదానికి సంబంధించిన దృశ్యాలు సీసీటీవీలో నిక్షిప్తమయ్యాయి.

ఇదీ చూడండి: గర్భవతి అని చూడకుండా కోడలిని హింసించిన అత్త!