కారు బీభత్సం: ఒకరు మృతి, ఇద్దరికి తీవ్ర గాయాలు

తాగిన మైకంలో కారుని నడిపి ఓ డ్రైవర్​.. రెండు ద్విచక్రవాహనాలను ఢీకొట్టాడు. ఈ ప్రమాదంలో ఓ యువకుడు ప్రాణాలు కోల్పోగా... ఇద్దరు తీవ్రంగా గాయపడ్డారు. ఈ విషాద ఘటన నిజామాబాద్ నగరంలో జరిగింది.

నిజామాబాద్​లోని నిఖిల్ సాయి హోటల్ చౌరస్తాలో కారు బీభత్సం సృష్టించింది. అతి వేగంతో వచ్చిన కారు... రెండు ద్విచక్రవాహనాలను ఢీకొట్టింది. ఈ ప్రమాదంలో ఓ యువకుడు ప్రాణాలు కోల్పోగా... ఇద్దరు తీవ్రంగా గాయపడ్డారు. మృతుడు నగరంలోని రోటరీనగర్ కాలనీకి చెందిన వెంకటేశ్‌గా గుర్తించారు.

ఘటనా స్థలానికి చేరుకున్న పోలీసులు... డ్రైవర్‌ మద్యం మత్తులో ఉండటమే ప్రమాదానికి కారణమని భావిస్తున్నారు. నిర్లక్ష్యంగా వాహనం నడిపిన డ్రైవర్‌ను అదుపులోకి తీసుకొని విచారిస్తున్నట్లు ఎస్సై లక్ష్మయ్య తెలిపారు.

ఇదీ చూడండి: కరోనా భయాన్ని పోగొట్టేందుకు ప్రభుత్వం కృషి: ఈటల