యాదాద్రిభువనగిరి జిల్లా యాదగిరిగుట్టలో ఆయిల్ ట్యాంకర్ చోరీకి గురైంది. శంషాబాద్లోని కాటేదాన్లో నివాసముంటున్న కట్టా రాంరెడ్డి... కుటుంబసభ్యులతో కలిసి ఆయిల్ ట్యాంకర్(AP13X6731)తో యాదాద్రి శ్రీ లక్ష్మీ నరసింహ స్వామి ఆలయానికి వచ్చాడు. కొండకింద వైకుంఠ ద్వారం సమీపంలో వాహనాన్ని పార్క్ చేసి దర్శనం కోసం వెళ్లారు.
పూజ అనంతరం వచ్చి చూసే చూసే సరికి లారీ అక్కడ కనిపించలేదు. దీంతో కంగుతున్న రాంరెడ్డి పోలీస్ స్టేషన్లో ఫిర్యాదు చేశారు. తమకు జీవనాధరమైన లారీ చోరీకి గురికావడంతో బాధితులు ఆవేదన వ్యక్తం చేశారు. దుండగులను పట్టుకుని తమకు లారీని ఇప్పించాలని వేడుకున్నారు. పోలీసులు ఘటనాస్థలానికి చేరుకుని సీసీ టీవీలు పరిశీలించి... కేసు నమోదు చేసుకుని దర్యాప్తు ప్రారంభించారు.
ఇదీ చూడండి: పెళ్లి పనులు చేసేందుకొచ్చి... మృత్యు ఒడికి చేరారు
